Login to your account

Username *
Password *
Remember Me

Ezonera Prezidente CLN, Kultura Institusionál ba Mudansa

Ministru Koordenadór Asuntu Ekonómiku (MKAE), Joaquin Amaral. Ministru Koordenadór Asuntu Ekonómiku (MKAE), Joaquin Amaral. Foto Suplay

Tempotimor (Dili)-Ministru Koordenadór Asuntu Ekonómiku (MKAE), Joaquin Amaral deklara, kultura institusionál ezije mudansa atu adekua situasaun hanesan ezonerasaun ba Prezidente Centru Logistiku Nasionál (CLN), Agusto Junior Trindade.

Tanba ne’e, MKAE nomeia hikas Georvásio Cardojo De J.da Silva ba prezidente Centru Logistiku Nasionál (CLN) ba periodu 2021 to’o 2025.

“Eventu de mudansa ida ne'e prosesu normál iha instituisaun estadu la'ós tanba komete krime ne'e mak ema ida sai iha pozisaun, maibé kultura instutisionál hotu ezije mudansa atu adekua nia situasaun iha qualquer lideransa foun, tanba ne'e iha kontestu ida ne'e ohin ita hamutuk iha ne'e atu halo serimonia ba nomeasaun prezidente foun CLN nia”, hatete Ministru Joaquin Amaral, iha Sede IADE Mandarin, kinta (01/07).

Tanba ne’e husu ba prezidente CLN foun, atu kumpri papel no misaun ne'ebé CLN iha, atu garante stok ai-hán ne'ebé no atu mantein prezensa estadu nia hodi garante folin sasán, liliu fós, atu iha folin ne'ebé asesivel, no bele asume tan papel seluk hodi jere armajen sira, no bele sai hanesan fatin ne'ebé bele pagu sasán no ba ai-hán.

“Tanba 2020 Covid-19 tama iha TL, hodi implika ba ita-nia situasaun ekonomia ne'ebé todan tebetebes, e CLN asume papel ida ne'e pelumenus ema hotu iha ai-hán, entervensaun merkadu, suporta asisténsia umanitária, ida ne'e hatudu katak estadu iha situasaun difísil prezente atraves papel CLN, tanba ne'e ha'u agradese tebes”, dehan nia.

Iha fatin hanesan prezidente foun CLN, Gervásio Cardoso de Jesus da Silva hatete, iha nia mandatu sei kontinua de'it saida mak prezidente sesante CLN halo hodi ajusta ba programa tuir mai.

“Iha ha'u-nia mandatu sei kontinua de'it saida mak prezidente sesante halo e ajusta filafali mai ba programa tuir mai, tanba se ita la halo kontinuedade ba programa hirak ne'e ita falla, tanba servisu CLN ne'e servisu ho dadus”, afirma nia.

Maske kontinua de'it servisu anterior sira ne'e, maibé sei iha programa prioridade hodi haree produtu lokál sira iha rai laran no labele hein de'it produtu sira husi rai li'ur.

“Ha'u fiar katak ha'u mai atu kontinua de'it prezidente sesante nia servisu, maibé iha ha'u-nia mandatu ha'u mós sei tau prioridade liuba produtu rai laran, no identifika produtu rai laran hodi fó prioridade lolos tanba ita dalabarak hein de'it mak produtu rai li'ur nia”, afirma nia.

Entretantu Prezidente Sesante CLN, Agusto Junior Trindade, agradese ba kna’ar ne'ebé durante ne'e nia asume, maske seidauk to’o mandatu troka ona, maibé desizaun husi instituisaun estadu no tenke hakruk hodi kumpri

“Ho grasa matebian nia rai lulik foho lulik sira-nia tulun, sira-nia apoiu, sira-nia akompañamentu tomak mai atan ha'u hodi ezerse ha'u-nia funsaun tuir mandatu dekretu lei 26/14 2014, maske seidauk to’o Mandatu, maibé ida ne'e mak desizaun husi instituisaun estadu ha'u respeita”, hatete nia. (*)

Rate this item
(0 votes)
Last modified on Friday, 02 July 2021 12:18
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter