"Objetivu mai iha ne'e atu hato'o preokupasaun no problem saida mak durante ne'e ami-nia agrikutór sira hasoru hela", dehan Prezidente Uniaun Agrikutór Munisípiu Manufahi, Delfia Pereira hafoin hasoru malu ho PR Lú Olo iha Palasíu Prezidensiál Bairopite, segunda (07/02).
Tanba Uniaun no organizasaun haree katak Asunción ne'e sai problema boot ida ba Agrikutór sira iha baze.
"Pontu primeiru kona-ba kria polítika Nasionál reforma agraria, hapara efiksaun forsada, kria merkadu justu ba kompaneze sira nomós pontu sira seluk”, hatutan nia.
Nune'e, Prezidente Repúblikq toma nota no konsidera preokupasaun ho problema sira ne'ebé Agrikutór sira hasoru.
“Prezidente toma nota no konsidera preokupasaun no problema ne'ebé ami-nia Agrikutór sira hasoru no nia hatete katak, la bele diretamente fó solusaun mai ami, maibé nia presiza lori preokupasaun sira ne'e ko'alia ho parte Hovernu nian", deklara nia.
Problema ne'ebé Agrikutór sira hasoru hanesan tratorista tanba dalaruma sira la bele halo toos ho di'ak, no laiha presu justu ba toos na'in sira nia produ.
"Sira badinas halo toos maibé oinsá ho folin ne'ebé mak ladun justu ba ita-nia produtu sira”, informa nia:
Prezidente Uniaun Agrikultura Munisípiu Ermera, Alberto Martins Guterres hatete, preokupasuan ne'e hato'o ona ba Governu no parlamentu oinsá atu tau ba planu Governu atu hadi’a preokupasaun sira, toos na'in sira oinsá atu hasa'e produsaun.
"Se agrikultura mak Governu la tau matan ho másimu, ba oin ekonomia Timor-Leste ne'e sei monu, tanba agora overnu rasik sei garantia hela mina, tabele ba mina, mais la tabele ba saida mak ita bele produz, tanba mina sei maran maibé produsaun agrikultura nunka sei maran", haktuir nia.
Tanba ne'e mak preokupasaun ne'e, primeiru sira tenke ko'alia ho Prezidente Repúblika atubele kordena ho Governu atu reduz presu traktór tanba iha munisípiu sira barak liu ema aluga tenke ense mina $60 ka $80 karun liu ba toos na'in sira atub asesu.
Enkuantu iha sorumutu ho PR Lú Olo ne'e, husi Komite Nasionál Reforma Agraria ne'ebé kompostu husi uniaun haat, Uniaun Agrikultura Manufahi, Uniaun Agrikultura Ermera, Uniaun Movimentu Formadu Likisá no Uniaun Agrikultura Covalima inklui fasilitadór nomós movimentu sira husi Munisípiu luta ba futuru toos na'in sira iha Munisípiu Aileu, Vikeké no Maliana. (*)
