"Ami husu ba Prezidente, ami menus kampu traballu ne'ebé mak ba joventude sira hotu, ami barak wisuda tiha iha fatin-fatin maibé ami atu ba buka servisu susar, ami lakohi atu sai nafatin bainaka ba ami-nia rai, ne'e duni ami husu ba aman nasaun atu tau prioridade ba ida ne'e", dehan Apolinario hafoin hasoru malu ho PR Lú Olo iha Palasíu Prezidensiál Bairopite, segunda (07/02).

Maske planu hahú hala'o tiha ona, joven barak hetan ona servisu, maibé balun mós seidauk hetan servisu to’o agora.

"Ami husu nafatin ba Prezidente atu dehan ba ita-nia governante sira atu haree ba kampu traballu ne'ebé ami joventude sente sei menus hela mai ami", informa nia.

Koordenadór Ativista Foinsa'e Timor-Leste, Alda Maria Salsinha hatete, joven sira presiza estuda no prepara-an nafatin tanba futuru nasaun iha joven sira-nia liman.

"Ita joven sira la bele sai bainaka ba ita-nia rai, maibé ita presiza estuda nafatin hodi dezenvolve ita-nia nasaun Republika Demokratika Timor-Leste (RDTL) sai nasaun ida prosperiu iha futuru”, afirma nia. (*)