Login to your account

Username *
Password *
Remember Me

Xanana Sei Lidera Nafatin Negosiasaun Fronteira TL ho Indonézia

Xefe Konsellu Delimitasaun Definitiva Fronteira Marítima, Kay Rala Xanana Gusmão, foto hamutuk ho Prezidente no membru Komisaun B iha Parlamentu Nasionál, sesta (21/01). Xefe Konsellu Delimitasaun Definitiva Fronteira Marítima, Kay Rala Xanana Gusmão, foto hamutuk ho Prezidente no membru Komisaun B iha Parlamentu Nasionál, sesta (21/01). Foto Tempo Timor

Tempotinor (Dili)-Prezidente Komisaun B trata asuntu negósiu estranjeiru, defeza no seguransa iha Parlamentu Nasionál (PN), José Agustinho Siqueira 'Somotxo Matar Mimiraka' hatete, prosesu negosiasaun Fronteria Marítima no Terestre entre Timor-Leste (TL) ho nasaun Repúblika Indonézia sei lidera nafatin husi Xefe Konsellu Delimitasaun Defenitiva Fronteira Marítima, Kay Rala Xanana Gusmão, tanba servisu ne'ebé Estadu fó seidauk konklui.

“Konserteza, tanba servisu ne'ebé Estadu fó ba Maun Boot Xanana seidauk Konklui”, dehan Somotxo iha PN, sesta (21/01).

Tanba, dadauk prosesu negosisaun foin mak konklui fronteira marítima entre Timor-Leste ho nasaun Austrália, maibé fronteira Marítima entre Timor-Leste ho Indonézia ne'e seidauk finaliza.

Maske Xanana Gusmão seidauk fó informasaun ruma maibé hothotu presiza iha planu atu ba futuru hala'o nia operasaun ne'e, no la'ós ema atu hakilar uluk dehan nia atu halo ida ne'e.

“Kualker negosiasaun tenke prepara-an, e prepara ne'e ninia argumentu ho ninia matéria ne’e la'ós atu fó sai la'e", dehan nia.

Dadauk Indonézia rasik konsidera fatuk sinai iha Oekussi ne'e laiha konstituisaun, maibé liuhusi plataforma kontinentál, Oekussi ne'e bele dehan área Timor-Leste, bazeia ba plataforma maske la sita iha konstituisaun.

“Ita la sita, iha ita-nia konstituisaun ne'e hanesan fatuk sinai ruma iha parte Oekussi, ida ne'e mak hanesan sira kestiona maibé ne'e la'ós problema boot, ida ne'e aban bainrua ita disputa to'o iha ne'eba sein hetan akordu ida", hatete nia.

Tanba iha fatin ne'e uluk kedas povu Indonézia ho povu Oekussi, konsidera hanesan fatin ba kultura retuál ne'ebé mak fó posivel ba sira halo sermónia rituál iha fatuk ne'e.

Maibé Timor-Leste haree katak ne'e mós la'ós negosiasaun foun, tanba agora ne'e buka aserta de'it liña no markasaun ne'ebé iha, katak kleuk ne'e ba Timor-Leste ka ba Indonézia.

"Nomós ho Naktuka ne'ebé hanesan mota ne'e muda, uluk iha Portugés nia tempu ne'e iha fatin ida, agora durante tempu naruk ne'e kuaze 600 anos mota ne'e mós muda tanba depende tempu udan ne'e bele mota boot ho ki’ik, tan ida ne'e mak mota ne'e muda. Maibé marka ne'e iha nafatin, para sai hanesan referénsia para ita reklama ita-nia diretu”, afirma nia. (*)

Rate this item
(1 Vote)
Last modified on Friday, 21 January 2022 17:15
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2023 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter