"Hanesan foin dadauk ita hotu haree ho servisu loron rua de'it bele hakotu tiha. Fó filafali esperansa ba populasaun iha Bekussi Sentrál ninian, katak bele la'o avontade fali”, dehan Xanana hafoin serimónia agradesimentu obra normalizasaun Ponte Bekussi Sentru iha Bekora, sábadu (15/01).
Dadauk ponte Bekussi Sentru konsege rekupera ona tanba hetan mós apoiu husi kompaña Montana Diak, no ida ne'e apoiu atu hadi’a de'it maibé la'ós projetu.
Tanba nu’udar kompaña mak ida ne'e, lolo liman ba komunidade ne'ebé presiza bainhira buat ne'e sira bele halo.
"Ita hatene katak iha ita-nia sosiedade laran, kompaña lubuk ida, luron sira-nian, balun la'ós timoroan, sira iha sentimentu, iha espíritu sosiál ninian. Ida ne'e ita hotu tenke apresia ba tékniku emprezáriu montaña di'ak," afirma nia.
Ho ida ne'e, komunidade sira presiza kompriende katak ida ne'e la'ós projetu, maibe ida ne'e mosu husi espíritu sosiál, tanba haree ba komunidade iha susar nia laran, entaun kompaña iha dever no sentimentu atu bele tau matan, lolo liman.(*)