Dadauk traballafor hirak ne'e hamutuk ho Diretór Diresaun Nasionál Empregu Exteriór (DNEE), Filomeno Soares no reprezentante HRD Korea iha Timor-Leste, Jooyun Yang, hala’o ona enkontru kona-ba posesu atu ba servisu iha Korea Súl.
Diretór Diresaun Nasionál Empregu Exteriór, Filomeno Soares hatete, enkontru ne'ebé sira kria hamutuk ho traballadór 66, atu bele fó hatene kritéria ne’ebé Governu Korea Súl fó liliu kona-ba osan viajen nian.
"Tanba dasauk ne'e orsamentu ne’ebé kandidatu traballadór sira atubele prepara ne'e la hanesan ona ho uluk aviaun semo normál”, dehan nia iha Edifísiu SEFOPE, Bekora, kinta (06/01).
Purtantu ba saúde públiku nian, kada traballadór tenke kompleta vasinasaun kontra Covid-19 ba doze daruak, teste médiku no teste PCR Covid-19.
"Nune'e mós antes traballadór aranka ba Korea Súl tenke halo kuarantina durante kalan ida, no ba to’o iha Korea Súl sei halo tán kuarantina durante loron sanulu”, esplika nia.
Ho ida ne’e, husu kandidatu traballadór sira atubele kuidadu nafatin sáude, no hadók-an husi ransu livre, tanba antes atu aranka ba Korea Súl sei halo teste médiku hetan moras halo kanselamentu, no ba to’o iha Korea Súl realiza tán teste médiku dala ida, karik afeta moras ruma sei deporta fila mai Timor-Leste.
Mesmu nune'e, DNEE rasik la garante atu kandidatu 66 aranka hotu ba korea Súl, tanbá teste médiku ba traballadór mós seidauk realiza inklui desizaun husi empregadór sira mós seidauk fiksu.
Entretantu traballadór entry list na’in neennulu-resin-neen (66) ne’e sei ba servisu iha área peska ema na’in-neennulu-resin-tolu (63), no área fábrika na’in-tolu (3), husi hirak ne’e mane hotu. (*)
