Rekapitulasaun reseitas ne'ebé DTT Munisípiu Baukau durante tinan 2021 rejista hamutuk 1.205, ho orsamentu US$14,474.50, lisensa tranjektu 695 ho orsamentu US$30,085.00, lisensa kondusaun 1.369 nia orsamentu US$28,960.00, inspesaun hamutuk 7.623 ho nia orsamentu US$73,445.00.

"Ami-nia atividade ne'ebé durante orsamentu hatama ba reseita estadu, durante tinan-ida ema na'in-10,892 ho nia orsamentu ba kofre estadu iha tinan-ida ne'e hamutuk rihun US$146,964.50," dehan Diretór DTT Munisípiu Baukau, Roberto da Cruz, kinta (06/01).

DTT Baukau mós rejistu foun iha ema na'in-98, lisensa tranjetu hamutuk 20, trata karta kondusaun 331, inklui inspeksaun 518, totál orsamentu iha fulan-dezembru tinan-2021 DTT Baukau hatama ba kofre estadu rihun US$13,400.00.

Maske nune'e, dokumentu kliente sira-nian kontinua tau de'it iha rai, automatikamente iha nia impaktu, maibé hanesan servisu iha parte DTT Baukau uza mekanizmu kada fulan, muda ba mai dokumentu hirak ne'e atu labele hetan estragu.

Enkuatu funsionáriu ne'ebé servisu iha DTT Baukau hamutuk na'in-14 ne’ebé kompostu husi permanente na'in-4 no kontratadu na'in-10. (*)