Login to your account

Username *
Password *
Remember Me

SEKOOP Hakarak Kooperativa Sira Rejistu iha Notariadu

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Lautein)-Sekretáriu Estadu Kooperativa (SEKOOP), Elizário Ferreira husu ba movimentu kooperativa atu lori kooperativa sira rejistu Diresaun Nasionál Rejistu no Notariadu (DNRN) nu'udar dalan ida kontribui ba dezenvolvimentu.

"Kooperativa sira presiza rejistu iha notariadu, foti TIN no sertidaun dívida, iha Ministériu Finansas (MF), nu'udar meius ida partisipasaun kooperativa kréditu nia ba dezenvolvimentu ekonomia sosiál ba merkadu”, dehan Elizário iha Salaun Souru Coconut Oil, Lospalos, kinta (09/12).

Alende rejistu iha Diresaun Nasionál Rejistu no Notariadu (DNRN) bele mós halo Rejistu iha Banku Sentrál Timor-Leste (BCTL) hodi garantia nia kréditu.

SEKOOP, mós husu ba kooperativa Kréditu Uniaun (CU) sira labele envolve iha grupu ho ideia buka osan de'it maibé mós hatudu espíritu dezenvolve kooperativa.

"Kooperativa kréditu Uniaun tenke sai espíritu ba dezenvolvimentu kooperativa no setór kooperativa tenke sai espíritu ba dezenvolvimentu ekonomia nasaun nian”, afirma nia.

Maibé dirijente kooperativa tenke hatudu nia umildade, simplesidade, no onestidade atu dezenvolve di'ak liután movimentu kooperativa sira ne'ebé mak la'o dadaun.

"Tanba dezenvolve kooperativa ne'e hahú ho umildade, hala'o dezenvolvimentu ba kooperativa ho onestidade, no kontrola ho simplesidade ne'e sei la hamosu problema iha kooperativa nian”, hatete nia.

Nune'e reprezentante Movimentu Kooperativa iha Timor-Leste, Prezidente Federasaun Hanai Malu (FHM), João Belo rekomenda ba SEKOOP, tenke halo projeta ba dekretu lei nu.16/2004 kona-ba kria legalizasaun ba ramu kooperativa nian.

"Rekomenda ba Sekretária Estadu Kooperativa, se bele projeta revizaun ba dekretu lei númeru 17/2004, no kria legalizasaun, espesifiku ba ramus, kooperativa sira hotu”, dehan nia.

Alende ne'e mós halo estudu komparativu, iha nível nasionál no internasionál inklui lokál, nomós halo infrastruktura kooperativa nian baze, utiliza másimu ba atividade liña kréditu nian. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter