Deputadu proponente, Antonio de Sa Benvides hatete, osan ne'e hanesan justifikasaun sumáriu, ne'ebé sira hanoin katak tempu to'o ona husi osan ne'e, idozu sira simuuS$30 kada fulan, se bele Governu aumenta tan US$20 halo US$50 kada fulan.
"Ha'u hanoin deputadu sira barak ba halo fiskalizasaun, aumesmu tempu halo mós vizita kontaktu eleitoral, dalaruma hetan oportunidade atu vizita ita-nia katuas-ferik sira iha foho, iha sira-nia uma ne'ebé mak iha, kondisaun dalaruma ita haree ita triste oituan", dehan nia iha plenária Parlamentu Nasional, kinta (09/12).
Subsídiu apoiu idozu no invalidu ne'e kria husi dekretu lei 19/2008 fulan-jullu iha tinan 2022 ho montante US$50 kada fulan.
Ho titulu dotasaun Governu kategória despazas bens servisu iha programa 980, igualdade jéneru no inkluzaun Sosiál, dotasaun Inisiál kategória rihun US$73.000, alterasaun aumenta tan rihun US$23.520 no dotasaun finál kategória rihun US$96.520
Dotasaun Inisiál kategória despeza US$170.433.80 no dotasaun finál kategória despezas US$293.953.800
Aprezenta proposta alterasaun no aditasaun atu aumenta Subsídiu hodi apoiu ba idozu no invalidu ba 2022 iha US$20 ba montante totál US$50.
Deputadu proponente, deputadu Antonio de Sa Benvides no deputado Mariano ‘Assanami’ Sabino.
Nune'e, proposta 147 kona-ba idozu pasa ho votasaun afavor 32, kontra 26, abstensaun 7. (*)