"Konvensaun kona-ba direitu Ema ho Defisiensia ninian, tinan oin ita tau ona orsamentu rihun US$44.0219 atu ratifika konvensaun", dehan nia iha Salaun City8, Has Laran-Manleuana, tersa (30/11).
Tanba konvensaun ne'e la'ós parlamentu mak seidauk ratifika, maibé ne'e dever eskluzivu Governu ninian, liliu Ministériu Solidadade Sosiál no Inkluzaun ho razaun ne'ebé sira hato'o katak, tempu ne'e sira lau tau orsamentu, mak tinan 2022 ne'e Governu tau ona osan, hodi ratifika.
"Orsamentu ida ne'ebé mak inkluzivu, ba ita-nia Ema ho Defisiensia 203 milhões liu ne'ebé mak ita tau iha ne'ebá, entantu ba de'it iha ratifikasaun konvensaun estadu unidus nian ne'e, iha rihun US$44.219 ne'ebé mak ita atu propoin atu ratifika konvensaun ba Ema ho Defisiensia", esplika nia.
Diretór Ezekutivu Asosiasaun Difisiensia Timor-Leste (ADTL), Cazario da Silva hatutan, sira-nia espetasaun konvensaun ONU (Organuzaun Nasaun Unidas) ba direitu ema ho defisiensia ne'e Governu Timor-Leste tenke ratifika, tanba mensajen sira ne'ebé hatan ba ratifikasaun ne'e kuaze tinan barak ona.
"Agora ita espera tinan oin sira bele ratifika duni, tau duni ba orsamentu atu ratifika konvensaun ida ne'e, e konvensaun ida ne'e hodi garante direitu ema ho difisiensia nian, hodi asegura instituisaun estadu sira, governante sira, aloka sira-nia rekursu hodi implementa tuir konvensaun ne'e haruka", dehan nia.
Nune'e mós orsamentu ne'ebé Governu tau ba ema ho difisiensia iha tinan 2022 nian, ADTL sei prioritizasaun hodi hatan ba preokupasuan boot liuba ema ho defisiensia, mak saúde mental.
"Ita presiza duni fatin temporária hodi akumula halo tratamentu ba ema ho problema ho saúda mental, e ami-nia akopañamentu ema ho saúde mental barak mak la'o iha dalan ninin ou abandona iha dalan, família sira abandona", esplika nia.
Maibé pior liután hetan Violénsia oioin, husi ema laiha responsabilidade sira, nune'e mak Asosiasaun Defisiensia Timor-Leste (ADTL) tau prioritiza boot ida mak tenke asegura fatin provizóriu ba ema ho problema saúde mental iha Timor-Leste. (*)
