Login to your account

Username *
Password *
Remember Me

MF Hahú Selu Osan ba Pesoál Saúde Liña Frente Na’in-2.414

Tempotimor (Dili)-Ministériu Finansa (MF) hahú selu osan suplementu remuneratoriu ba pesoál saúdel iña frente hamutuk ema na'in-2.414, ne’ebé reprezenta ezekusaun orsamentu ho montante millaun US$7,4.

"Ministériu Finansas liuhusi Sekretariadu Tékniku Fundu Covid-19 realiza ona pagamentu suplementu remuneratóriu liña frente pesoál saúde hamutuk 2.414 ho montante totál millaun US$7,4. Pagamentu ne’e kobre períodu fulan-janeiru to’o fulan-setembru 2021”, dehan Ministru Finansa, Rui Gomes liuhusi pájina ofisiál Gabinete Ministru nian ne'ebé www.tempotimor.com asesu, tersa (30/11).

Lista pesoál saúde ne'ebé Ministériu Finansa akumuladu husi Servisus Saúde Munisípiu Díli, totál hamutuk 854, ne'ebé reprezenta alokasaun osan montante millaun US$2,4.

Aleinde husi Ospital Nasional Guidu Valadares (HNGV) hamutuk 1.265 ne'ebé reprezenta alokasaun osan montante millaun US$4,1, purtantu husi Hospitál Referál Baukau, pesoál saúde hamutuk 295 ne’ebé reprezenta alokasaun osan ho montante US$900,372.

Entretantu to'o iha loron 30 novembru, Ministériu Finansa konsege ezekuta ona pagamentu suplementu remuneratoriu liña frente atinje 43, reprezenta ona orssmentu ho valór millaun US$22,5, husi orsamentu alokadu ba liña frente, hamutuk millaun US$51,9. 

Dadauk taxa ezekusaun real fundu Covid-19, to'o iha 30 novembru 2021, konsege atinje pursentu 48 ne’ebé reprezenta ezekusaun millaun US$137,4 husi orssmentu alokadu US$287,6. (*)

Rate this item
(1 Vote)
Last modified on Tuesday, 30 November 2021 22:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter