KAFIMO Hakarak Promove Produtu Lokál iha Merkadu Nasionál

Prezidente Kooperativa Multisetorál  Kari Fini ba Moris (KAFIMO), Joaquin da Silva. Prezidente Kooperativa Multisetorál Kari Fini ba Moris (KAFIMO), Joaquin da Silva. Foto Tempo Timor

Tempotimor (Manufahi)-Prezidente Kooperativa Multisetorál Karik Fini ba Moris (KAFIMO), Joaquim da Silva hatete, sira hakarak promove produtu lokál iha merkadu nasionál hódio kompete importasaun sira husi rai liur.

"Ami hakarak ami-nia kooperativa ne'e promove produtu lokál ida orijinál ne'e ba merkadu tanba ita atu kompete ho ema Xina sira ita labele, ita agora konsumu hahán sira mak husi rai liur ne'e mak habadak ema nia vida mate bebeik ba kolestrol tensaun ba buat sira ne'e hotu”, dehan Joaquim da Silva ba www.tempotimor.com iha nia Rezidénsia Ailuli, Manufahi, sesta (19/11).

Tanba sidadaun barak ne'ebé mak konsumu ai-hán sira ne'e mak la hatene nia regra konsumu bele ameasa ba ema nia moris to'o hetan moras oioin.

KAFIMO iha nia vizaun rasik mak hakarak envolve dezempregu iha sira-nia kooperativa hodi kria serbisu ba sira liuhusi dalan kooperativa nian.

"Ami-nia planu ba futuru ne'e mak ami hakarak kooperativa ne'e sai boot, e to'o ohin ami sei buka nafatin membru sira, kooperativa ne'e ami hari’i mesak membru agrikultór tanba hakarak ita buka rasik ema sira ne'ebé laiha serbisu mós ami envolve iha laran hotu kria serbisu ba an rasik ida ne'e mak ami-nia vizaun”, esplika nia.

KAFIMO kooperativa Multisetorál ida ne'ebé mak hala'o servisu hanesan, Kuda Modo, Hakiak Animal, Ikan, nomós Kréditu Uniaun (CU) empresta no rai osan.

Kooperativa ne'e hari’i iha fulan-outubru 2021, iha ona membru hamutuk 17 ho osan hamutuk US$740.00.

KAFIMO mós hetan ona formasaun bázika sira husi Sekretáriu Estadu Kooperativa (SEKOOP) durante loron haat maibé sira mós kontinua husu atu fasilita nafatin formasaun iha área sira seluk hodi lori Kooperativa ne'e ba oin.

Iha mós planu atu kontinua buka hodi haluan tan nia kooperativa hodi hadi’a komunidade nia moris liuhusi moris kooperativa nian. (*)

Rate this item
(0 votes)
Last modified on Friday, 19 November 2021 16:57
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter