"Tuir kalendáriu sei hahú loron 22 fulan-novembru to'o marsu 2022, ne'e pagamentu sei konsentra kada suku depende BNCTL deside tuir sira-nia kbi'it ne'ebé mak iha", dehan Diretór Servisu Sentru Solidariedade Sosiál Munisípiu Baukau, Guido Ricardo Belo, iha kna'ar fatin Vila Nova, Baukau, sesta (19/11).

Reklamante ne’ebé naran la sai iha pagamentu dahuluk, dadaun parte sentru solidaridade sosiál Munisípiu Baukau rezolve ona purvolta ema na'in-518 ne’ebé tama ona iha lista aprovadu atu simu nia direitu iha faze daruak.

Totál idozu iha Munisípiu Baukau ba tinan 2021 hamutuk ema na'in-14.446, enkuantu faze daruak rejista lista arkivadu óbitu hamutuk na'in-48. (*)