"Proposta Orsamentu Jerál 2022 ba Prezidente Repúblika ne'e US$10,078.000”, informa nia hafoin termina audénsia ho Komisaun A trata asuntu justisa no Konstituisionál iha sala konferénsia líder bankada Parlamentu Nasionál (PN), kinta (4/11).
Iha proposta OJE tinan fiskal 2022 ba PR sei aumenta boot oituan tanba tinan 2022 sei aloka ba programa toma pose ba Prezidente Repúblika eleitu inklui mós aloka ba saláriu no vensimentu funsionáriu prezidénsia repúblika nian.
"Entaun presiza iha preparasaun tomada de pose ba prezidente eleitu, depois iha mos orsamentu balun tenke iha, biar prezidente mak troka mais prezidénsia repúblika tenke funsiona nafatin hanesan normál, sustentabilidade funsionáriu tenke iha nafatin”, dehan nia.
Enkuantu ba tinan oin (2022), Prezidente Repúblika sei laiha programa prioridade tanba Prezidente Republika agora nia mandatu hela fulan neen atu termina ona. (*)
