Login to your account

Username *
Password *
Remember Me

Opozisaun Konsidera Povu Lasente Ezekusaun OJE Billaun US$ 2.1

Deputadu Bankada Uniaun Demokrátiku Timorense (UDT) iha Parlamentu Nasionál (PN), Francisco David Carlos Xavier. Deputadu Bankada Uniaun Demokrátiku Timorense (UDT) iha Parlamentu Nasionál (PN), Francisco David Carlos Xavier. Foto Suplay

Tempotimor (Dili)-Deputadu Bankada Opozisaun Uniaun Demokrátiku Timorense (UDT) iha Parlamentu Nasionál (PN), Francisco David Carlos Xavier konsidera, povu lasente ezekusaun Orsamentu Jerál Estadu (OJE) 2021 ho valór billaun US$ 2.1 tanba fulan-ualu ona laiha benifisiu.

“Iha Orsamentu Jerál Estadu (OJE) US$2.1 billaun ne'e nia ezekusaun, ita haree katak, povu la sente, até agora benifisiu ne'ebé sira bele hetan, ha’u hanoin kabe ba konpeténsia oitavo Governu nian”, dehan nia iha Parlamentu Nasionál (PN), segunda (09/08).

Tanba iha tinan 2021, preokupasaun Governu nian foku liubá programa sesta bázika ho Covid, no laiha atividade seluk Governu implementa.

Ho ida ne'e, orsamentu kapitál dezenvolvimentu ne'ebé Governu prevé, nia ezekusaun la funsiona, maibé prontu ne'e kabe ba konpeténsia governasaun husi Primeiru Ministru, Taur Matan Ruak, atubele halo esplikasaun.

“Ami hanesan opozisaun ida ne'e, ami tuir saida mak regra iha Parlamentu haruka ami hala'o”, afirma nia.

Haree ba setór privadu, durante ne'e halo dispedimentu ba funsionáriu barak tanba sira laiha osan.

Tanba ne'e, bele hatete Governu inkapasidade, halo jestaun ba situasaun ne'ebé afeta ba setór privadu no traballdór timoroan iha ámbitu pandemia covid-19. (*)

Rate this item
(1 Vote)
Last modified on Monday, 09 August 2021 17:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« November 2022 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Tempo Timor Networks

Online Counter