Iha serimonia entrega ne'e Xefe Representativu JICA, Goto Ko, hatete, apoiu oituan hodi fó tulun no bele hadi'a sistema Covid19 inklui mós moras sira seluk iha Timor-Leste.
“Ohin loron, ita hamutuk iha fatin ne’e ho hanoin atubele fó saida mak ita iha liuhusi ita-nia kontribuisaun kiik-oan nu’udar viziño atu fó tulun no hadi’a sistema saúde nian liliu iha parte sistema cold chain supply nian iha Timor-Leste, hodi bele prepara di’ak liu hasoru la’ós de’it Covid-19 maibé moras hothotu”, dehan Goto iha Edifísiu SAMES, Kampung Alor, kuarta (30/06).
Nune’e, Diretór Ezekutivu SAMES, Santana Martins, agradese ba JICA tanba oferese material hodi apoiu Ministériu Saúde bele atinje metas ba Vasina kontra Covid 19 nian.
“Agradese, karreta Cold Box ida nomós vacine transport box 15 ne'e bele responde ba ita-nia nesesidade liliu hatan ba ita Covid-19 ne'ebé ita hotu hatene no esforsu atu atinje to'o pursentu 80 populasaun atu hetan vasina”, dehan nia.
Iha mós karreta truck tolu ne'ebé Governu entrega ba SAMES ho OJE tinan 2021 ho montante rihun-atusida, no JICA oferese karreta malirin (Refrgerated Vehicle) Coolbox hamutuk 15 hodi rai vasina nune'e mós Word Food Programme mós fo donasaun kareta Coolbox ida ba SAMES hodi oferese atribui sasán nutrisaun iha Timor-Leste laran tomak. (*)
