Login to your account

Username *
Password *
Remember Me

World Vision Apoiu Material Eskola ba KDL

Diretora nasionál World Vision TL, Migena Shula entrega hela material simbolikamente ba Diretora Komisaun Direitu Labarik, Dinorah Granadeiro iha Bidau, Segunda (28/06). Diretora nasionál World Vision TL, Migena Shula entrega hela material simbolikamente ba Diretora Komisaun Direitu Labarik, Dinorah Granadeiro iha Bidau, Segunda (28/06). Foto Tempo Timor

Tempotimor (Dili)-Organizasaun World Vision Timor-Leste (TL) apoiu material eskola ba Komisaun Direitu ba Labarik (KDL) hodi  hatutan ba labarik sira ne'ebé hetan impaktu husi kalamidade iha loron 4 fulan-abríl tinan 2021.

Diretora Nasionál World Vision TL, Migena Shula hatete, organizasaun ne'ebé servisu atu hadi’a labarik sira-nia situasaun moris iha uma laran, komunidade no sosiadade no servisu no parseiru sira atu atinje mehi ida ne'ebé di’ak ba labarik iha Timor-Leste

"KDL TL nu'udar parseiru importante tebes ba World Vision no hala'o kolaborasaun iha atividade barak ne'ebé relasiona ho labarik iha tinan barak. Ohin loron World Vision kontinua servisu hamutuk nafatin ho KDL, liuhusi entrega material eskola nian nomós material ijiene nian, atubele apoiu netik labarik hirak ne’ebé foin lalais ne'e hasoru kalaminidade”, dehan Migena Shula, iha Bidau, segunda (28/06).

Maske apoiu ne’ebé oferese sente ki'ik, maibé bele hakma'an netik todan no difikuldade ne'ebé família barak hasoru, liliu labarik sira.

World Vision mós apresia ba kolaborasaun no parseria ne'ebe la'o di’ak tebes ho Komisaun Direitu ba Labarik no World Vision iha nafatin kompromisiu atu kontinua servisu hamutuk ho Komisaun.

Iha fatin hanesan Diretora Komisaun Direitu ba Labarik, Dinorah Granadeiro hatete, pedidu ne’ebé KDL hatama ba World Vision ne'e labarik sira hamutuk 250, maibé depende pakote ne’ebé mak sira oferese dadauk.

"Normalmente ita fahe kada pakote ba labarik sira no ba School kid nian se sira mai ho pakote ketak-ketak ona entaun ita fahe kada labarik mós tuir pakote ne'ebé sira fó mai”, dehan Dinoraha.

Tuir planu ne’ebé mak iha sei fahe de’it ba Dili laran, maibé la taka dalan ba Munisípiu sira, tanba iha posibilidade Ba munisipiu balun ne’ebé mak presiza nesesita no sira  liga bai KDL, komisaun mós se fó apoiu, depende mós ba pakote ne’ebé mak iha komisaun nian.

“Normalmente servisu sira ne'e iha MSSI ho SEPS mak halo maibé iha asuntu espesifiku balun ne’ebé mak labarik sira, foku ba labarik sira, ita sempre servisu hamutuk ho ita-nia parseiru oinsá atubele apoiu no hakma'an sira-nia sofrememtu ne'e”, hatete nia.

Tuir dadus husi Ministériu Solidaridade Sosiál no Inkluzaun (MSSI) katak Labarik sira ne’ebé mak afeitadu ba dezastre naturál iha Dili ne'e hamutuk  rihun-2.

Entretantu material ne'ebé World Vision apoiu ba KDL mak hanesan, kadernu, lapizeira, lapis, kadernu pinta, máskara no hand sanitizer. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter