“Tinan ida ne'e ba Munisípiu Baukau kompostu husi suku 59, aldeia 282, programa uma kbi’it laek ba hamutuk 177, uma tolu ne'e suku ida iha aldeia ida de'it mak hetan uma tolu”, dehan Boulesa Iha Gabinete PAM, Tirilolo Baukau, segunda (21/06).
Aliende ne’e, Kordenadora PNDS Munisípiu Baukau, Amelia Maria Viegas hatete, Programa uma kbiit laek ne’e kolabora hamutuk ho Programa Nasionál Dezenvolvimentu Suku (PNDS) ne'ebé iha ona prosesu implementasaun.
"Ita tama ona iha prosesu implementasaun etapa hirak ne'ebé mak iha liu ona sosializasaun nível munisípiu nível suku hotu ona depois iha nia prosesu identifikasaun ba kandidatu ne'e hotu ona agora ita hetan ona ema na’in-tolu kada aldeia iha sai benefisiáriu ne'e mós hetan hotu ona”, dehan Amelia Maria.
Ba konstrusaun ne'e iha suku balun ne'ebé semana ida ne'e hala'o ona konstrusaun tanba distribui no halo ona avalisaun no Asina ona akordu ho traballadór ka badaen sira.
"Kona-ba orsamentu ita iha totál orsamentu rihun 54, ne'ebé rihun tolu ita aloka ba fundu operasional, rihun 51 ita aloka ba fundu infraestrutura maibé ida ne'e mós ita bazeia ba uma nia medida que ita iha medida rua ita sei ba konstrui uma kbiit laek, medida 48 metru² no ida 37 metru²”, esplika nia.
Traballadór ba uma kbiit laek PNDS sei kontratu badaen lokál iha suku laran hodi hari’i uma, bazeia ba prgrogram fixu ne'ebé mak prepara ona, iha suku ida aldeia ida mak hetan uma tolu ba kbi’it laek sira. (*)