Programa sesta bazika ne’ebé parafuso kuaze fulan-ida tanba Serka Sánitaria no konfinamentu domisiliáriu obrigatóriu, hafoin bele kontinua hodi apoia komunidade sira ne’ebé seidauk hetan antes ne’e.
Xefe Suku Kaikoli, Ipolito Marques hatete, programa Sesta Bázika fahe ai-han ba komúnidade lolós hotu ona, maibé paradu tiha kuaze fulan rua.
"Ami ho kompaña servísu maka’as, entaun ita komesa fali Sesta Bázika, ha'u-nia komúnidade hamutuk 5.971, maibé iha fulan kotuk ba 200-ital simu tiha, agora 3 miil-ital mak atu kompleta tán, kompaña ohin hatete, aldeia tolu ne'e ami tenke halo hotu kedan para ba fali suku seluk”, dehan nia iha, Bebora, tersa (20/04).
Aldeia tolu ne'ebé dadaun simu iha Suku Kaikoli hanesan, 03 Skoko, 04 Fohorai Boot, 05 Tahu Laran.
"Ha'u aselera katak, ko'alia ho kompaña aselera ohin para aldeia 03 Sakoko hotu kedan, aban ita pasa ba aldeia 04 Foho Rai Boot, ha'u hakarak ita aselera para lalais orsida fahe loron tomak", dehan nia.
Ermelinda Juñior Lobo nu'udár benefisiáriu espresa, parte sira kontente tebes ho programa Sesta Bázika ne'ebé fahe hikas hahán.
"Durante ne'e, ami husi Suku Kaikoli, husi Aldeia 01 to'o 05, primeiru simu uluk husi aldeia 01 ho 02, to'o 03 paradu tiha, foin lalais ne'e mak foin simu fali, ne'ebé ami sente kontente nafatin, tanba simu nafatin Sesta Bázika”, afirma nia.
Suku Kaikoli, kompostu husi Aldeia 5, ne'ebé ho totál populasaun hamutuk rihun 5.971. (*)