SEKoop Elizário hahú diskute Kooperasaun ho Embaixadór EUA iha TL

By Tempo Timor April 20, 2021 3280

font size decrease font size increase font size
Print
Email

Sekretáriu Estadu Kooperativa (SEKoop), Elizário Ferreira hahú diskute ho Embaixadór Estadus Unidus Amérika (EUA), Kevin Blackstone, konana servisu kooperativa ba futuru, tersa (20/04/2021). Foto Tempo Timor

Tempotimor (Dili) - Sekretáriu Estadu Kooperativa (SEKoop), Elizário Ferreira hahú diskute ho Embaixadór Estadus Unidus Amérika (EUA), Kevin Blackstone, hodi ko’alia kona-ba kooperasaun servisu entre parte rua iha asuntu kooperativa nian ba futuru.

Entretantu, observasaun www.tempotimor.com iha terrenu nota, embaixadór EUA ne'e to'o iha edifísiu SEKoop nian iha Akait, maizumenus tuku 10:05 otl..

Bainhira to'o iha odamatan boot sekretária estadu kooperativa nian, molok hakat tama ba sala sorumutuk ho SEKoop, Elizário Ferreira, ekipa sira simu ho tara tais husi Xefe Gabinete SEKoop, Arlindo Francisco Marçal, nu'udár sinál bemvindu ba bainaka importante refere hodi hametin liután lasu amizade ba malu.

Diskusaun iha ámbitu kooperasaun servisu husi parte rua ne'e, liuhusi sorumutuk ne'ebé hala'o ohin tersa, loron 20 fulan-abril tinan 2021, iha Akait, aldeia Formosa, suku Gricenfor, Postu administrativu Na'in Feto, Munisípiu Dili.(*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com