António Ramos da Silva nu'udar prezidente ba Asosiasaun Tane Konsumidaor hateten, levantamentu halo atu konsumidór sira bele asesu ba informasaun.

"Prinsipiu no direitu ida ba konsumidaor mak oinsa konsumidór iha direitu hetan informasaun ba produtu ne'ebe atu konsumu, sa tan ita tama ba festa natal, ne'e duni tane halo levantamentus folin sasan iha supermerkadu 11 iha dili laran no foti nesesidade bazika hamutuk 12", António hateten iha knaar fatin Vilaverde, Kinta (17/12).

Nia afirma, servisu ne'e halo durante semana rua, husi loron 3 to'o 14 fulan dezezembru tinan 2020.

"Iha Tane ninian, bazeia ba dadus ne'ebe iha haree kuantidades produtu ne'ebe fa'an barak liu iha supermerkadu sira boot liu mak fos, trigu, susuben, na'an manu, mina, minuman ringa Sira no mantega, tuir kedas manu tolun, mantega, minuman alkol liu-liu serveza ikus liu mak masin midar na'an ho ai-fuan", nia sublina

Nia mos dehan, Asosiasaun tane konsumidór halo analiza ba folin sasan haree katak, iha fator balun mak kontribui ba folin.

"Haree husi ninia dadus jeral produtu 12 nia folin kompetetivu hela, karik iha diferensia mos pakote ida nia fa'an diferente, maibe folin balun mos liga ba fator balun, tanba husi produtu ne'ebe ita konsumu liu-liu produtu 12 ne'ebe ami foti maioria 9-ital ita importa hotu de'it", nia esplika.

Nia argumenta, produtu ne'ebe importa imlikasaun iha folin, tanba se importa husi indonesia ninia folin naton kompara ho importa husi Portugal, Australia, Novazelandia, tanba transporte mos influensia iha produtu.

"Ami lee husi dadus ne'ebe hetan, supermerkadu ne'ebe fa'an sasan barak liu koresponde ba mak, Jasinto, Lita Store, W Four no tuir mai sira seluk", nia salienta.

Nia dehan, produtu ne'ebe konsumidór sosa barak liu bainhira tama iha Festa natal mak, trigu, masin midar, susuben, manu tolun no mantega, tuir fali fos, na'an manu, minuman ringan, serveza no ai-fuan. (*)