Login to your account

Username *
Password *
Remember Me

PN Husu Líder Nasionál Konsolida Malu Diversifika Ekonómia

Prezidente Parlamentu Nasionál (PN), Aniceto Longuinhos Guterres Lopes. Prezidente Parlamentu Nasionál (PN), Aniceto Longuinhos Guterres Lopes. Foto Suplay

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes hatete, líder nasionál inklui partidu politiku sira presiza konsolida malu no tau kbi’it ho matenek hamutuk atu ultrapasa kauza diversifikasaun ekonomika iha Timor-Leste.

“Hanesan dezafiu ba diversifikasaun ekonomika Timor-Leste ne'ebe to'o agora seidauk hetan atensaun másimu iha planeamentu no orsamentasaun. Fenomena ida ne'e ejize líder nasionál sira atu konsolida malu tau kbi'it ka matenek hamutuk oinsá bele ultrapasa dezafiu ida ne'ebé mais kompleksu no delikadu tebes”, dehan Aniceto liuhusi Pájina ofisiál Parlamentu Nasionál, ne'ebé www.tempotimor.com asesu, kuarta (18/05).

Tanba, iha tinan 2022 ne'e Timor-Leste sei komemora tán loron restaurasaun Independénsia ba dala 20, siknifika nasaun no povu hotu la sente katak pais ida ne'e kompleta dadaun ona idade tinan 20 nian, ne'ebé pertinente tebes atu ema hothotu hateke klean no dook liután ba futuru Timor-Leste iha tinan 30 oin mai.

Maske iha tinan 20 ikus ne'e bainhira hateke ba kotuk nu’udar Estadu ida, konkista ona alkansa lubuk ida durante konstrusaun Estadu no dezenvolvimentu Nasionál ho apoiu tomak husi parseiru dezenvolvimentu sira.

Maibé dinámiku sosiu ekonomiku ne'ebé sempre iha mudansa no hamosu dezafiu foun barak ne'ebé ezije liután lideransa nasionál sira-nia kapasidade seriedade no aproximasaun holistiku nu’udar polítiku no povu atu adapta-an husi fenomenu sira ne'e hodi responde espetativa povu nian.

Aleinde Timor-Leste liliu Parlamentu Nasionál mós hakat ona ba tinan 20 konstituisaun RDTL, ne'ebé durante ne'e hatudu dalan orienta no hatuur prosedimentu legál ba orgaun soberania sira atu dezempeña sira nia funsaun tuir ida-idak nia kompeténsia konstituisional ho alkansu hothotu ne'ebé estadu atinje ona.

Nu’udar pais demokratiku sente orgullu ba buat hothotu ne'ebé atinje ona, maibé tenke kontinua luta nafatin no valoriza obra sira ne'ebé eroi no eroiña nasionál sira husik hela ba Estadu, hodi konkretiza sira-nia mehi kona-ba libertasaun patria, liuhusi formulasaun polítika públika no dezenvolvimentu ne'ebé orientadu ba umanu hodi asegura dezenvolvimentu sustentavel.

Komemorasaun loron restasaun independénsia ba Tinan 20 naton ona ba ema hothotu, liliu polítiku sira atu halo reflesaun ida ne'ebé klean, hakarak Timor-Leste sai oinsá iha tinan hirak oin mai, apezar líder nasionál sira ida-idak ho nia partidu rasik maibé tenke haree ho seriedade ho kauza nasionál sira.

Ho ida ne'e, nu’udar Prezidente Parlamentu Nasionál hakarak apela ba povu tomak atu selebra 20 maiu loron restaurasaun independénsia ba dala 20, no iha tempu hanesan festeza mos serimónia investidura ba Prezidente Eleitu, José Ramos Horta, loron 19 maiu kalan, iha Tasitolu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter