SEKoop Aseita Modelu Karosa Husi Tékniku Dom Bosco, Distribui ba Negosiante

Sekretáriu Estadu Kooperativa (SEKoop), Elizário Ferreira (klaran) hamutuk bruder Adriano (Kamija Mutin) halo hela inspeksaun ba karosa ne'ebe produz husi sentru Dom Bosco, iha Dili, Sexta (9/10) Sekretáriu Estadu Kooperativa (SEKoop), Elizário Ferreira (klaran) hamutuk bruder Adriano (Kamija Mutin) halo hela inspeksaun ba karosa ne'ebe produz husi sentru Dom Bosco, iha Dili, Sexta (9/10) Foto Tempo Timor

Tempotimor (Díli)- Sekretáriu Estadu Kooperativa (SEKoop), Elizário Ferreira, ohin hala'o vizita ba Sentru Formasaun Dom Bosco, hodi haree direta karosa dahuluk ne'ebé produz husi tékniku sira.

Hafoin haree tiha modelu karosa ne'e, governante ne'e aseita ka konkorda ho modelu ne'ebé tékniku sira produz, tanbá ho kondisaun ne'ebé di'ak no kualidade.

"Vizita ohin mai iha ne'e, atu haree karosa ida ne'e, no agora prosesu ne'e tama ona iha 75% hela oitoan de'it, atu konklui", hatete SEKoop, Elizário Ferreira ba jornalísta sira, iha Sentru Formasaun Dom Bosco Comoro, sesta (09/10).

Governante ne'e akresenta, kona-bá presu kada karosa lolo'os ho valór másimu mak Dollar Amerikanu $.1500.

"Ida ha'u deklara ne'e, bele halo esforsu hanesan másimu liu ona, no bele menus mos husi ida ne'e", dehan nia.

Iha faze dahuluk, SEKoop sei distribui uluk ba negosiante nain 25, ne'ebé bele sai hanesan baze, hodi kontribui.

Modelu ne'ebé tékniku sira halo, SEKoop aprova ona, maibé konstrusaun seidauk finál, tanbá foin mak atinje pursentu 75 (75%), husi totál konstrusaun.

"Atu bele kompleta nia fatin, tau naha nia fatin, atu bele asegura nia folin sira ne'e", dehan nia.

Iha fatin hanesan, tékniku iha Sentru Formasaun Dom Bosco, Jaime Olandino hatete, karosa ne'ebé sira prodúz ho medida (2x70), naruk metru rua no 70 cm.

"Karosa ne'e ami halo han tempu semana rua hanesan ne'e, bele hotu. Mais nia finishing loloos, seidauk", dehan nia.

Nia hatutan, atu prodúz karosa ida ho kualidade, presiza han tempu naruk, hodi bele foku didi'ak, atu nune'e iha kualidade ne'ebé di'ak.

"Se halo karosa 25, kalkulasaun ne'e, bele lori tempu durante fulan rua, mak bele remata", dehan nia.

Entretantu modelu karosa ne'e rasik, kompostu husi lampu ne'ebé instala ho nia enérjia, husi solár painel, hahán fatin, no ahi fatin ne'ebé produz ho materiál modernu, hanesan besi ho kalen. (*)

 

PUBLISIDADE

Rate this item
(0 votes)
Last modified on Saturday, 10 October 2020 09:03
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks