SEKoop Realiza Formasaun ba Formandu 60

Sekretáriu Estadu Kooperativa (SEKoop), Elizário Ferreira ko'alia ba Jornalista sira Sekretáriu Estadu Kooperativa (SEKoop), Elizário Ferreira ko'alia ba Jornalista sira Foto File

Tempotimor (Díli)-Sekretáriu Estadu Kooperativa (SEKoop), hala'o abertura formasaun ba formandu hamutuk ema na'in 60 husi munisípiu 12, inklui Rejiaun Admisniatrativa Espesiál Oekusi Ambeno (RAEOA), hodi hasa'e sira nia koñesimentu profesionál, nune'e iha futuru formandu sira bele fisilita fali formasaun ba membru kooperativa sira iha nivél suku no aldeia sira.

Sekretáriu Estadu Kooperativa (SEKoop), Elizário Ferreira informa, formasaun ne'ebé SEKoop oferese ba formandu na'in 60 ne'e ho objetivu atu fó motivasaun ba formandu sira atu tun ba terrenu hodi hatutan formasaun ba membru sira iha kooperativa sira nia laran kona-ba maneira buka no rai osan iha grupu, hodi kontribui ba kresimentu ekonómia uma-laran no hasa'e dezenvolvimentu ekonómia iha rai laran.

"Objetivu husi fó formasaun ba ema na'in 60 ne'e, forma sira sai organizadór no motivadór ida di'ak, atu nunee sira rasik mak bele tun ba baze hatudu ba povu oinsá bele eduka povu hodi produz ai-han ba dezenvolvimentu ekonómia iha nível lokál, bazeia ba kooperativa", hatete Sekretáriu Estadu Kooperativa (SEKoop), Elizário Ferreira ba jornalísta hafoin abertura formasaun ba formandu sira iha Lanud, Bairru Pite, segunda, (12/10).

Elizário dehan, liuhosi formasaun ida ne'e nu'udár parte ida husi edukasaun ba formandu sira, tanba prinsípiu kooperativa nian maka hari'i ho edukasaun, dezenvolve ho edukasaun no kontribui ho edukasaun.

"Ami informa mós ba sira oinsá bele rai osan, buka osan, tanba ida ne'e maka formasaun ne'e ami fasilita ba sira ho kualidade no profesionál atu nune'e sira bele halo servisu ho di'ak iha baze", tenik Elizário.

Iha fatin hanesan, Bonifáçio Correira, nu'udár formadór hatete, matéria ne'ebé sira uza hodi fó formasaun ba formandu sira maka kona-ba maneira sira ne'ebé oinsá mak sira bele iha abilidade hosi bele dezenvolve kooperativa ho diak tuir mudansa ne'ebé eziste iha kooperativa hodi fó moris ba membru sira.

"Formasaun bázika ne'e oinsá atu bele esplika ba oinsá mak kooperativa ne'e bele moris ho diak, tenke la'o tuir nia objetivu sira. Tanba ne'e mak, husi formasaun ida ne'e sira bele hatene oinsá servisu iha kooperativa no oinsá atu harii kooperativa rasik", dehan nia.

Entretantu, formasaun ne'e sei hala'o durante semana ida resin, hahú husi loron 12 to'o 22 fulan Outubru tinan ne'e.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter