Tuir Elizário, bani-been sai hanesan produtu ida ne'ebé orijinál husi timoroan rasik, no dadaun ne'e SEKoop buka hela atu halo promosaun ba bani-been ne'ebé ho kualidade atu bele promove mós iha feira refere.
"Agora, husi ida ne'e parte SEKoop nian dezde ke inísiu hahú, SEKoop nia produtu ne'ebé atu lori maka, Bani-been, hatete Sekretáriu Estadu Kooperativas (SEKoop), Elizário Ferreira iha nia kna'ar fatin Akait, kuarta (30/09).
Ho potensia ne’ebé iha, Elizario hatete, karik merkadu ne'e la'o di'ak ona, sei eduka ema hodi hakiak bani.
“Tanba iha rai barak bani ne'e ema hakiak, ita nian lae, bani moris rasik iha ai-tutun sira ne'e,” dehan nia.
La’os de’it bani, nia dehan, SEKoop mós sei eduka oinsá atu ema hotu-hotu bele sai produtór ba produsaun sira ne'ebé bele asegura ka kontribui ba hadia kualidade ai-han no mós kualidade nutrisaun iha rai laran.