Atu realiza Tais Go International, Sekretáriu Estadu Kooperativa, Elizário Ferreira halo abertura vídeo konferensia ho tema ‘Potensia Tais ba Ekonomia Povu iha Fronteira Repúblika Indonézia ho Timor-Leste’ ho orador hanesan Embaixador Indonézia iha Timor-Leste Sahat Sitorus, Prezidente Autoriedade RAEOA Arsenio Paixão Bano, Diretora Dekranasda NTT, Julie Laiskodat.

Nune'e, Sekretariu Estadu Kooperativa maka nuudar na’in ba video konferensia ne’e no nia parte sei fo motivasaun ba feto maluk sira iha área fronteira, liuliu iha área produsaun tais hodi prepara asesu ba merkadu ne'ebé sei mosu iha fronteira.

Elizário akresenta , uluk deskusaun merkadu fronteira entre Timor-Leste ho Indonezia iha nível ministru, maibe dadaun ne'e dada besik mai liutan governador NTT Kupang, entaun hahú ko’alia espesifiku ona ba produtu, no identifika produtu ida mak tais ne'ebé iha potensial ne'ebé Go International inklui loke merkadu tais iha fronteira entre rai rua.

"Oinsa maka nasaun rua ne'e promove produtu tais ho kualidade ne'ebé di’ak maski iha diferente país, mas sai produtu ne'ebé Go International ho fatin ne'ebé sertu hodi sai sentru turizmu iha fronteira," dehan nia.

Goernante ne'e akresenta, dadaun ne'e koperativa iha fronteira establesidu ona, nune'e sei fo oportunidade ba produtor tais atu promove, benefisiu no asesu ba merkadu. (*)