"Durante horbainrua horseik to'o ohin akontese udan boot ne'ebé akontese ponte oan ida ne kotu depois ami konsiénsia rasik hadi’a, maske la'ós autoriza mós ema ruma, maibé ami hanesan autoridade iha ne'e ho laran luak konsege hadi’a duni ponte oan eh depois agora maluk sira bele asesu ba mai", nia informa nia ba www.tempotimor.com iha Suku Lasaun Postu Administrativu Atsabe Munisípiu Ermera, Sesta (23/02).

Rekomenda ba Governu liu liu Ministériu Obras Públikas atu hadi’a estrada Liga husi Suku Lima iha Postu Administrativu Atsabe nian atu komunidade sira bele lori sira nia produtu ba merkadu sira.

"Ida ne'ebé ami hakarak rekomenda, se bele governu tau matan atu haree took ami nia estrada no ponte sira ne'e, tanba ami iha área rurais, povu hakarak lori nia produtu ruma ba sidade, maibé ami hakarak estrada di'ak ponte ne'e bele di'ak atu povu bele asesu", hatutan nia

Alende ne'e iha Suku Malabe mós dadaun estrada kotu no transporte públiku no privadu sira seidauk halo movimentasaun.

Suku lima iha Postu Administrativu Atsabe ne'ebé la asesu ba estrada mak hanesan, Suku Lasaun, Malabe, Atara, Batumanu, Obulo, Laubonu inklui mós Suku Balun husi Postu Cailaco hanesan, Suku Colimau, Tebabui, no Lourba. (*)