Enkuantu grupu haburas agrikultura Iragala Buruma, kompostu husi membru na'in 10, ne’ebe iha tinan 2022, Governu liuhusi SASSAS-PM apoiu fundus hamutuk rihun US$5, tanba ne'e iha loron 08 fulan-fevereiru tinan 2023, Diretór Adjuntu Administrasaun Finansas hatumuk ho ekipa halo observasaun direita iha tereñu.

Tuir informasaun ne'ebé www.tempotimor.com asesu iha pajina ofisial, SASSAS-PM, loron Kinta (09/02) katak, objetivu husi apoiu fundus ne’e atu fasilita Grupu Iragala, ne'ebé durante nia atividade foku liu-ba parte produsaun tomate nian, nune'e Governu fó apoiu hodi hasa’e liután produsaun tomate nian, ne'ebé bele hadi'a ekonómia família inklui grupu nian.

Durante hetan apoiu fundus husi Governu, grupu refere hetan rezultadu di'ak husi kolleta produtu tomate, ne'ebé kuda iha to'os hektar ida.

Nune’e Diretor Adjuntu Administrasaun Finansas SASCAS-PM, Roberto de Araujo, enkoraza grupu sira hodi tau atensaun ba kuntinuidade no atividade grupu nian iha futuru.

Enkuantu iha tinan 2022 grupu refere hetan apoiu fundus husi Governu, ne'ebé bele investe liuhusi kuda tomate, dadaun hetan ona rezultadu husi fa’an tomate nian hamutuk rihun US$15. (*)