“Ita boot sira ba haree de’it kompaña iha ne’ebá hotu ona la iha tan buat ida atu impede, ha’u deklara fila-fila prosesu iha ne’ebá finál tiha ona, osan ida atu selu ba ita nia komunidade afeitadu sira ne’e iha ona BNCTL ita rezolve tiha ona ne’ebé ne’e kestaun de ezekusaun, kompaña no supervizaun iha hotu buat hotu 100 pursentu la iha tan kestaun administrativu atu impede, tanba dadaun kompaña servisu maka’as hela iha ne’ebá, ne’ebé tuir lolos ita lalika deskute tan”, dehan nia ba média iha Palasiu Governu, kinta (09/02).
Nune’e mos Governu koordena ona ho komunidade afeitadu sira atu oferese sira nia uma, ai-horis, no seluk hodi kontinua ba halo reabilitasaun ba esrada.
“Identifika hotu ona ita transfere hotu ona ba BNCTL hein de’it halo pagamentu, atu selu ne’e BNCTL mak hatene ami halo ona MoU ho sira ne’ebé sira iha esperiensia halo ida ne’e, la iha problema”, nia afirma
Tanba, projetu reabilitasaun ba estrada Uaiaka-Kelikai-Ossu ne’e, Governu lansa ona fatuk dahuluk iha loron 9 fulan-dezembru tinan 2022.
Nune’e, estrada diresaun Uaiaca ba Nahareka ho nia distánsia kilometru 22+700, ne’ebé sei responsabliza husi kompañia Internasionál Xina, Chongqing International Construction Corporation (CICO), ho montante orsamentu milliaun US$16.547,661,76, ho durasaun tempu fulan 18. (*)
