Tuir informasaun ne’ebé www.tempotimor.com, asesu iha pájina MTKI, tersa (06/09/2022 katak, iha vizita ne’e Vise MKI akompaña husi Sekretáriu Dahuluk Embaixada Timor-Leste ba Singapore nian, Antonio Soares, ho Diretór Komérsiu Externo MTKI no Diretór Autoridade Aduaneira Ministériu Finansas halao vizita ba Parke Industrial Manufatureira Singapore ne’ebé mak halo prosesamentu no assembling mákina Indústria sira no maintenance repair and overhaul (MRO).
Ba mákina industriál no sasán sira relasaun ho aeru nian ne’ebé kuñesidu ho naran Aeroesparsiál Seletar (Seletar Aeroplace Park) nian iha Singapura.
Parke industriál ne’e dezenvolve husi JTC Corporation (JTC/ Jurong Town Corporation), ne’ebé mak tutela iha Ministériu Komérsiu Indústria Singapore nian, tuir Economic Development Board (EDB) Singapore nian ho kna’ar hodi dezenvolve no maneje dezenvolvimentu parke industriál sira iha Singapore.
Vizita ne’e fahe informasaun sira nomós prosesu hari’i, modalidade sira jere parke industriál ne’e rasik.
Vise-Ministru Komérsiu no Indústria Domingos Lopes Antunes ho Delegasaun Timor-Leste ne’e simu husi Sia Kheng Yok, CEO Seletar Aerospace Park, ne’ebé fó informasaun sira kona-ba funsionantu parke industriál refere.
Delegasaun Timor-Leste nian mak Diretór Rui Manuel Freitas, Diretór Unidade Relasaun Internasionál no Komunikasaun (Autoridade Aduaneira, MF), Diretór Leonardo Guterres Carvalho, Diretor Nasionál Komérsiu Externo, MTKI. (*)
