Iha formasaun ne’e, SEKOOP husu ba formandu sira atu gasta osan  tenke halo uluk planu ne'ebé mak di’ak hodi nune'e labele gasta osan arbiru.

“Bainhira atu gasta orsamentu iha família nia laran ne'e, tenke atende uluk mak ita-nia nesesidade labele atende uluk ita-nia hakarak, no bainhira ba merkadu karik tenke halo tabela kompras nian”, dehan nia bainhira introduz matéria refere iha iha Salaun Laboratóriu MOP nian iha Kaikoli, kuarta (27/07).

Dadaun ne’e Funsionáriu sira iha husi Ministériu Obras Públikas (MOP) kria Kooperativa ida atu oinsá rai osan ba futuru nian liliu ba família hodi asegura ba futuru nian.

Enkuantu formasaun ne’e hala’o durante loron 5 hahú husi loron 26 fulan-Jullu to’o 1 fulan-Agostu 2022, no partisipa husi dirijente sira iha MOP. (*)