Tuir informasaun ne’ebé www.tempotimor.com, asesu iha pájina MOP, kinta (28/07) katak, reuniaun Komisaun Interministeriál ba daruak ne'ebé lidera direta husi Primeiru Ministru (PM), Jenerál Taur Matan Ruak, iha Palásiu Governu, Dili.
Reuniaun Komisaun Interministeriál ne'e hodi koordena servisu ba oinsá kria komité hodi estimula produtu lokál ba implementasaun programa Cadeia de Valór.
Reuniaun ne'e partisipa husi Ministru Koordenadór Asuntu Ekonómiku (MKAE), Joaquim Amaral, Vise-Ministru Finansas (V-MF), António Freitas, Ministru Turizmu, Komérsiu no Indústria (MTKI), José Lucas do Carmo da Silva, Ministru Agrikultura no Peskas (MAP), Pedro dos Reis, Ministru Justisa (MJ), Tiago Sarmento, no Ministru Obras Públikas (MOP), Abel da Silva Pires.
Aliende membru Governu sira, partisipa mós husi membru Komité Kompostu husi Xefe Gabinete Primeiru Ministru, Diretór-Jerál Komérsiu, Diretór-Jerál Indústria, Diretór-Jerál Turizmu, Diretór-Jerál Agrikultura, Diretór-Jerál Peskás, Agrikultura no Rekursus Marinhos, Diretór-Jerál Obras Públikas, Komissáriu Autoridade Aduaneira, Komissáriu Autoridade Tributária, Koordenadora-Jerál Gabinete Ministru Koordenador ba Assuntus Ekonómikus no sosiedade sivíl. (*)