“Ita-boot sira ne'ebé mak tinan 60 ba leten, ema bolu terseira idade, nia hetan kbi’it ida atu fó netik buka’e ida ba nia, la’ós ona 30 dólar maibé sa'e ba 50 dólar. Ida-ne’e la’ós dehan katak atu sosa ita-boot sira la’e ita-boot sira merese duni atu hetan minarai ne’ebé mak boot ida Timor ninian ne’e, nia ne’ebé turuk tuir kanu ne’e labele para iha fatin seluk de’it maibé bele mós too iha ita-boot sira, labarak maibé oituan, ida-ne’e para bele ita sente hotu katak la’ós ema ida nia mesak”, dehan nia hafoin hala’o Diálogu ho Komunidade sira iha Suku Malelat, Postu Administrativu Pásabe-RAEOA, segunda (18/07).

Ba prioridade ida-ne’e, mak Governu nafatin hala’o diálogu hodi ko’alia no informa liután ba komunidade sira katak Governu sei iha povu nia le'et liuhusi programa Naroman Ba Suku.

Tanba-ne’e hakarak informa ba komunidade sira iha suku Malelat, katak dadaun ne’e Governu kontinua proteje inan-aman sira ne’ebé mak tinan 60 ba leten sira sei iha diretu atu hetan 50 fulan ida, nune’e mós ba bebé sira ne’ebé mak foin iha inan nia kanotak ne’e mós iha diretu hetan subsídiu.

Tanba inan ne’ebé mak bebé sei iha isin ne’e, inan-bele hán ai-hán para hodi iha nutrisaun nune’e fó moris di’ak ba bebé ne’e, atu nune’e aban-bainrua nia moris, nia mós hala’o ninia moris ne’e ho di’ak.

Iha Timor-Leste, nasaun husi mundu tomak mós hatete Timor ne’e nia rais sei boot tebtebes, nune’e Governu haree katak ema mak sentru dezenvolvimentu, presiza inan ne’ebé kous bebé mós iha diretu atu hetan ida-ne’e, oinsá mak hasa’e nutrisaun.

Tanba-ne’e hakarak informa ba Xefe Aldeia no defe suku sira nafatin fó informasaun ba inan-isin rua sira oinsá mak bele ba konsulta hodi rejista sira-nia naran iha sentru saúde hodi bele hetan subsidiu ida-ne’e kada fulafulan.

“Agora sé mak atu rezolve problema ida-ne’e ita-nia na’in Xefe Aldeia no Xefe Suku sira, mak rejista ida ne’e para fó orientasaun no fó hanoin ba sira para ba sentru saúde atu konsulta”, esplika nia.

Dala-ruma haree ba subsídiu hirak ne’e, komunidade sira seluk ne’ebé la hetan subsídiu husi Governu, sente dúvida maibé Governu hakarak deklara katak sei iha mós subsídiu seluk ne’ebé mak Governu sei oferese kada família iha fulan-dezembru.

“Governu oferese ba povu halo nusa, agora bebé hetan, sira ne’ebé eskola hetan, veteranu hetan, no inan aman ne’ebé tinan 60 ba leten (idozu) hetan, bee ami sira seluk ne’e halo nusa, iha mós ba tinan ida ne’e iha fulan-dezembru sei halo pagamentu filafali ba família sira iha Timor laran tomak, hetan 200 dolar”, afirma nia.

Tanba haree mos ba povu ida ne’e, iha diretu atu hetan mina rai nia turuk, hosi osan 200 dolar ne’ebe sei fahe kada tinan iha fulan dezembru nia laran, nune’e fo ba familia sira atu bele hetan.

“Tan saida mak ita-boot sira iha diretu hetan tanba sira parte ida husi nasaun ninian se funsionáriu sira iha fulan-dezembru hetan désimu terseiru, ita-boot sira mós iha diretu hetan ida-ne’e. Tanba ida-ne'e Governu iha nia programa ne'ebé mak atu ko’alia ba ita-boot sira e atu informa ba ita-boot sira ba buat ne’ebé loos atu ita-boot sira akompaña”, informa nia.

Aleinde iha mós subsídiu seluk ne’ebé sei oferese ba estudante sira ne’ebé mak iha valór boot prienxe kritériu hahú husi primeiru to’o terseiru lugar, sei hetan mós diretu ba subsídiu husi Governu.

“Eskola iha diretu atu hetan subsídiu bainhira sira-nia nota di’ak iha sira-nia eskola, bainhira sira sai primeiru lugar ate terseiru lugar, Governu sei fó atensaun, fó apoiu ba sira, atu nune’e alin sira mós bele estuda maka’as atubele hetan diretu ida-ne’e”, hatete nia. (*)