Login to your account

Username *
Password *
Remember Me

SEKOOP Husu HIKMOR Uza Loja Kooperativa ba Sentru Komunikasaun ba Komunidade

Sekretáriu Estadu Kooperativa (SEKOOP), Elizário Ferreira. Sekretáriu Estadu Kooperativa (SEKOOP), Elizário Ferreira. Foto Suplay

Tempotimor (Aileu)-Sekretáriu Estadu Kooperativa (SEKOOP), Elizário Ferreira, husu ba Kooperativa Kréditu Uniaun (KU) Hikis Kosar Hadi’a Moris (HIKMOR) atu uza loja  kooperativa hodi sai sentru komunikasaun ba komunidade sira iha Suku Liurai, Postu Administrativu Laklo, Munisípiu Aileu nian.

“Dala ida ha’u fó parabéns ba KU Hikmor ne’ebé mak halo konstrusaun ida di’ak e ba oin atu asegura atu sai fatin ida ne’ebé atividade ekonómika nomós fatin sentru komunikasaun ba komunidade ne’e no sentru negósiu komunidade suku Liurai nian”, dehan nia hafoin halo inagurasaun ba loja Kooperativa KU HIKMOR nian iha Suku Liurai, kinta (23/06).

Alende ne’e Prezidente KU HIKMOR, Lurdes Mendonça Ramos hatete, ezisténsia loja kooperativa KU HIKMOR sei fó rendimentu ne’ebé sustentavel ba membru kooperativa sira.

“Bazeia ba situasaun iha rai laran, KU HIKMOR la hala’o de’it rai no Empresta osan maibé hakarak aplika tan mak hari’i loja kooperativa ne’e sei garante katak fó rendimentu ne’ebé mak sustentavel”, dehan nia.

Tanba konstrusaun loja kooperativa ne’e atu kumpri filozofia kooperativa nian katak, husi membru, ho membru no fila ba membru.

“Katak osan ka sasán ne’ebé husi membru, membru mak halo no nia benefisiu fila ba membru”, afirma nia.

Konstrusaun Loja Kooperativa KU HIKMOR hetan apoiu orsamentu husi subvensaun públiku liuhusi Sekretáriu Estadu Kooperativa (SEKOOP) ho montante rihun $25 no uma nia medida 14x10cm. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter