Login to your account

Username *
Password *
Remember Me

Kompaña SACOM Sei Dada Fibra Óptika Husi Singapura iha 2023

Prezidente Kompaña SACOM Energia Lda, Abílio Araújo. Prezidente Kompaña SACOM Energia Lda, Abílio Araújo. Foto Suplay

Tempotimor (Dili)-Prezidente Kompaña SACOM Energia Lda, Abílio Araújo hatete, Empresa SACOMTL ne'ebé servisu hamutuk ho parseiru Internasionál Enligo Network, prepara hela atu dada fibra óptika husi Singapura iha fulan-abril tinan 2023.

“Agora cable submarinu ida tasi nian ne’e, sei hahú dada husi singapura, e tempu di’ak atu dada ne’e mak tenke ser iha fulan-abril, e ne’e ba tinan oin, ita prepara ba dada apartir de abril”, dehan nia hafoin hasoru malu ho Prezidente Repúblika, José Ramos Horta, iha Palásiu Prezidensiál Bairo Pite, kinta (23/06).

Tanba investimentu fibra óptika ne’e iha oin rua, ida mak sei dada liuhusi fronteira rai maran no ida seluk ne'e dada liuhusi tasi okos. 

Nune'e kona-ba fibra óptika rai maran nian ne'e agora dada ona, ne'ebé sei dezenvolve hela ninia baze iha Batugade. Maibé kustu ba investimentu rua ne'e variavel, ho montante orsamentu ne'ebé sura hamutuk de'it kuaze millaun 800.

Dadaun ne’e fibra ótika SACOM hamutuk ho parseria Enligo Network dezenvolve hela empreza foun hanaran SACOMTEL ne’ebé foin hetan aprovasaun no sei halo servisu iha área cabo submarihno no Konsellu Ministru hamutuk ho Autoridade Nasionál Komunikasaun fó ona legalidade.

Pozisaun SACOM halo parseria ho Enligo Network, tanba empreza ida-ne’e dezenvolve ona kabu submarinu iha fatin lubuk ida. Tanba ne'e investimentu ida-ne’e sei gasta orsamentu liu millaun $800 atubele dada fibra óptika husi Singapura liuhusi tasi Java mai Alor nian husi ne’ebá fila ba leste depois tun ba Darwin-Austrália.

Ho investimentu SAKOMTEL, Timor-Leste subway cable 100% privadu no cabo submarino liga ba kabu internasionál grupu Enligo nian ne’ebé naran Ázia Conect Cabel (ACC). Iha mós empreza foun ida husi kompaña naran Oceano IT to’o iha Timor ba halo ona nia fatin.

Husi investimentu fibra óptika ne’e, Timor-Leste sei dezenvolve data dadus sentrál ida bolu naran TR3 data Center ne’ebé sei buka mós empreza boot husi mundu tomak bele mai haloot sira-nia data iha Timor-Leste.

Tanba iha Ázia Pasífiku pais ida ho Data Centre boot liu mak Singapura no agora iha Singapura rasik data nakonu liu ona tanba enerjia ka power iha Singapura la to’o atu simu tan Data Center foun. (*)

Rate this item
(2 votes)
Last modified on Friday, 24 June 2022 10:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter