Login to your account

Username *
Password *
Remember Me

PN Komprimenta Dom Vergilio Simu Kna’ar Foun Husi Papa Francisco

Prezidente Parlamentu Nasionál (PN), Aniceto Longuinhos Guterres Lopes, dadalia hela ho Arsebispu Arkidiozese Metropolitana Dili, Dom Virgílio do Carmo. Prezidente Parlamentu Nasionál (PN), Aniceto Longuinhos Guterres Lopes, dadalia hela ho Arsebispu Arkidiozese Metropolitana Dili, Dom Virgílio do Carmo. Foto Suplay

Tempotimor (Dili)-Prezidente Parlamentu Nasionál (PN), Aniceto Longuinhos Guterres Lopes, hamutuk ho membru meza, iha loron segunda (20/06), hala'o vizita ba Arsebispu Arkidiozese Metropolitana Dili, hodi Komprimenta Dom Virgílio do Carmo, SDB, ne’ebé mak sei simu kna’ar foun husi amu Papa Francisco hodi sai hanesan Kardeál dahuluk ba uma kreda Timor-Leste nian.

“Ohin, Membru Parlamentu Nasionál mai lori PN nia naran mai kumprimenta hodi hato’o ofisialmente direita kongratulasaun no felisitasaun ba Arsebispu Dom Virgílio ne’ebé Amu Papa nomea sai Kardeál dahuluk Timor-Leste nian”, dehan Prezidente PN, Aniceto Guterres, ba jornalista sira iha Kámara Eklesiástika Arkidiozese Metropolitania Dili, iha Lesidere.

Tanba kna’ar foun ne'ebé mak atribui husi papa Francisco ba Dom Virgilio, mak Parlamentu Nasionál liuhusi reuniaun plenária iha loron 30 fulan-maiu liuba aprova ona votu kongratulasaun ba Dom Virgílio do Carmo, nune'e aproveita mai entrega mós rezolusaun votu Parlamentu Nasionál (PN) nian ba Arsebispu.

Parlamentu Nasionál deside hotu tanba nu’udar órgaun soberania polítika no reprezenta povu tomak ne’ebé povu Timor-Leste maiória katólika sente kontente no orgullu ho nomeasaun ne'ebé Amu Papa fó ba Bispu timoroan nian.

Ba kongratulasaun ne'e, Arsebispu Aekidioseze Metropolitana Dili, Dom Virgílio do Carmo hatete nia parte apresia nomós hato'o agradesimentu ba PN, ba kna’ar foun ne'ebé sei simu iha loron 22 fulan-agostu tinan 2022.

Dom Vergilio mós haree katak oportunidade ida-ne’e hatudu duni ksolok husi povu no uma kreda Timor-Leste ne'ebé manifesta sira-nia votu inklui reprezentante povu iha uma fukun, ida-ne’e nu’udar ksolok ida husi timoroan hothotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter