“Sekretáriu Estadu prontu koopera ho ita-boot sira oinsá atu hari’i kooperativa iha nível suku ida ne'e”, dehan Elizário Ferreira ba komunidade sira iha Suku Purugua, sábadu (18/06).
Maibé importante mós ba suku sira besik atu nune'e Veteranu sira bele rai osan veteranus iha Kooperativa ne’e rasik.
Tanba Veteranu no funsionáriu sira mak la rai osan ikus mak oan sira sei ko'alia barak tanba laiha fundu kontinuasaun hodi suporta oan sira-nia eskola no atividade seluk.
“Se imi mak hán hotu tiha imi-nia oan sira aban bairua imi mate hanoin imi semana de'it depois liu tiha semana ida dehan Apa kanten no osan Veteranu la rai ba oan sira”, dehan nia.
Alende ne'e iha Munisípiu Bobonaro dadaun ne'e iha Kooperativa Kréditu Uniaun ho naran LANAMONA (Lakon Nakukun Mosu Naroman) ne'ebé mak durante ne'e apoiu ona nia membru sira hodi hari’i uma ba sira.
Tanba ne'e, komunidade sira ne'ebé mak hakarak bele kria Kooperativa foun no sira seluk bele envolve direta iha Kooperativa LANAMONA rasik. (*)