Tuir informasaun ne’ebé www.tempotimor.com asesu iha pájina MOP, sábadu (11/06) katak, orgánika ministériu nian ba diresaun sira presiza atualiza tuir situasaun atuál hanesan Diresaun Jerál Obras Públika (DJOP) presiza muda ba Diresaun Jerál Estrada, Ponte no Kontrolu I Seias, tanba daudauk ne’e Eletrisidade, Bee no Saneamentu sai ona empreza públika inklui estabelese tan Diresaun Nasionál rua.

Alterasaun ba orgánika ministru nian, hodi kria tan diresaun nasionál 2 hanesan diresaun nasionál atende dezastre naturál no Diresaun nasionál ba Komunikasaun no Informatika, inklui iha mudansa balun ba diresaun balun.

Ministru Abel agradese partisipasaun husi Konsellu Konsultivu, no iha tempu badak sei lori mudansa orgánika ne’e ba Konsellu Ministru hodi hetan aprovasaun.

Enkontru ne’e partisipa husi membru Konsellu Konsultivu Ministériu Obras Públikas nian hanesan Diretór Jerál Administrasaun no Finansas (DJAF), Januário A. Barbosa, Diretór Jerál Obras Públikas (DJOP), Rui Hernani, Diretór Jerál Habitasaun no Urbanízmu (DJHU), Roger Tertuliano Belo, Unidade Apoiu Jurídiku MOP nian, Prezidente IJE.IP rasik ho vogál sira. (*)