Login to your account

Username *
Password *
Remember Me

PN Retifika Ona Akordu Servisu Áero Timor-Leste ho EAU

Deputadu sira iha Plenaria Parlamentu Nasional halo votasaun ba retifikasaun akordu Aero entre Timor-Leste ho Emiradu Árbe Unidu. Deputadu sira iha Plenaria Parlamentu Nasional halo votasaun ba retifikasaun akordu Aero entre Timor-Leste ho Emiradu Árbe Unidu. Foto Suplay

Tempotimor (Dili)-Ministru Obras Públikas (MOP), Abel Pires da Silva, hanesan Ministru Transporte no Komunikasaun (MTK) interiñu, partisipa diskusaun iha plenária iha Parlamentu Nasionál hodi halo aprovasaun ba rezolusaun Parlamentu Nasionál (PN) númeru 13/V(4a)- akordu kona-ba servisu áero entre Repúblika Demokrátika Timor-Leste no Emiradu Árabe Unidu (EAU).

Tuir informasaun ne’ebé www.tempotimor.com asesu iha pájina MOP, kuarta (08/06) katak, hafoin votasaun ba akordu ne’e, Prezidente Parlamentu Nasonál (PN), Aniceto Longuinhos Guterres Lopes, anunsia katak akordu ne’e Parlamentu Nasionál aprova ona no ratifika ho votu afavór 49, kontra 0 no abstensaun 0.

Iha diskusaun, ba akordu ne’e, Ministru Abel Pires hatete, akordu kona-ba servisu áero ne’e importante, fó espasu ba Timor-Leste hodi asesu ba internasionál.

Tanba liuhusi akordu ne’e nasaun rua bele asesu ba malu, no Timor-Leste mak sei hetan oportunidade barak liu tanba bele iha espasu hodi asesu direita ba Árabe, bele liuhusi aviaun Árabe nian Emirete ne’ebé serví ka semo ba nasaun barak.

Bainhira iha ona ligasaun direita mak vizitante husi nasaun seluk bele liuhusi Timor-Leste tanba odamatan iha ona.

Akordu ne’e fó importánsia ba servisu áero nian no sai xave mós ba setór turízmu, inklui oportunidade ba empreza nasionál bele asesu ba merkadu.

Governu Timor-Leste mós daudauk ne’e esforsu hodi dezenvolve di’ak liután infraestrutura Aeroportu Internasionál Prezidente Nicolau Lobato ho apoiu husi Governu Japaun, espera bele hadi’a iha tempu badak hodi fasilita movimentu aviaun nian.

Ikus liu, atuál Ministru Obras Públikas ne’e lori Governu nia naran agradese ba Parlamentu Nasionál ne’ebé aprova ona akordu ne’e, no ho ratifikasaun ne’e.

Nune’e Ministru Transporte no Komunikasaun mós sei ba nasaun Qatar hodi halo selebrasaun ba akordu hanesan no sei lori fali mai Parlamentu Nasionál hodi halo ratifikasaun. (*)

Rate this item
(0 votes)
Last modified on Wednesday, 08 June 2022 17:54
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter