Tuir informasaun ne’ebé www.tempotimor.com asesu husi pájina Primeiru Ministru katak, Primeiru-Ministru, Taur Matan Ruak, segunda (23/05) iha Rezidénsia Ofisiál Farol, simu audiénsia Prezidente Dili Financial Business Center (DFBC), António S. Couto hodi simu kumprimentus no tempu hanesan simu atualizasaun kona-ba investimentu Dili Business Financial Center nian.
Prezidente DFBC, António haktuir, daudaun ne'e obra DFCB iha hela faze dezeñu interiór, tanba kauza hosi Pandemia COVID-19 halo prosesu konstrusaun la’o neineik.
Tuir projesaun tinan 2022 ho balun tan obra ne’e foin bele termina tanba daudaun ne'e hasoru tan dezafiu foun kona-ba situasaun funu iha Ukránia, hodi prejudika material sira ne’ebé atu importa mai ba nesesidade DFBC nian, iha aumentu folin no seluk tan. (*)