Login to your account

Username *
Password *
Remember Me

Militár Austrália ho F-FDTL Oferese Bee Moos ba Komunidade Kaisidu

Ekipa sira fura hela bee moos iha área Kaisidu Baukau, kinta (19/05). Ekipa sira fura hela bee moos iha área Kaisidu Baukau, kinta (19/05). Foto Tomas Freitas

Tempotimor (Baukau)‐Militár Austrália hamutuk ho FALINTIL-Forsa Defeza Timor-Leste (F-FDTL) oferese ona bee moos ba komunidade iha área Kaisidu, Suku Trilolo, Postu Administrativu Baukau Vila, Munisípiu Baukau.

Asisten fura bee husi kompaña agua, Fernando de Jesus, esplika, perfurasaun ne'e to'o metru 79.4, hafoin hetan bee moos no nia aas iha rai laran to'o metru 57.31, debitu ne'ebé tuda sai pur-segundu liu litru-5.

Perfurasaun ne’e, servisu pakote husi Militár Austrália ho nia ajénsia, F-FDTL hamutuk ho kompaña, ne’ebé dahuluk buka uluk bee hafoin halo perfurasaun.

"Ne'e servisu pakote, programa Militár, primeiru faze sira buka bee, segundu faze fura, terseiru faze mak instalasaun, maibé ne'e seidauk hatene, ami mak halo instalasaun ou keta halo ema seluk mak mai fali," dehan nia hafoin remara perfurasaun bee iha área Kaisidu Baukau, kinta (19/05).

Bee moos ne’e, iha kualidade di'ak, nune'e komunidade bele konsumu ona ba nesesidade umanu, tuir kompaña agua HO² bee moos ne'e, sufisiente ona ba populasaun iha área Kaisidu.

Nune'e, Xefe Suku Trilolo, Ricardo Ernesto Belo, sente kontenete ho prefurasaun bee, tanba bele responde ona preukupasaun ne'ebé durante povu Kaisidu hasoru.

"Hanoin ida ne'e sufisiente ga lasufisiente, depende depois halo kanalizasaun," nia argumenta

Atu bee moos ba to’o iha komunidade, parte suku sei hanoin kona-ba kanalizasaun, tanba seidauk hatene ba prosesu kontinuasaun ba kanalizasaun nian.

"Ita haree took, sira mak la'o nafatin ou Governu mak la'o, depende Governu mak haree prosesu ne'e, sé bee barak liu, entaun ba uma ka’in tomak, sé bee mak oituan, ita la'o tuir nafatin ne'ebé mak iha," nia hatete

Entretantu uma ka’in iha área Kaisidu pur-volta 400 ho nia totál populasaun hamutuk 2.000. (*)

Rate this item
(1 Vote)
Last modified on Thursday, 19 May 2022 15:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter