“Ita haree tok dalan halo nusa mak bele rezolve ida ne'e. Meiu Governu komprometidu halo buat hotu para kontinua ajuda ita-nia populasaun”, dehan Taur hafoin enkontru semanál ho Prezidente Repúblika (PR), Francisco Guterres ‘Lú Olo’, iha Palásiu Prezidensial Bairopite, kinta (21/04).
Pozisaun Governu semre iha kompromisu halo buat hothotu oinsá bele ajuda populasaun sira, aleinde buka mós solusaun preokupasaun mina folin sa'e, inklui sasán seluk ne'ebé folin sa'e, hodi afeta kapasidade kompra nian.
“Klaru normalmente que Governu tenke sensivel ba ida ne'e. Hanesan ita-boot sira haree horbainhira dekretu Lei ba subsídiu ne'e, ita-nia sua exelensia Prezidente promulga tiha ona, purtantu tempu badak Governu komesa tau matan ba ida ne'e”, hatete nia.
Tanba ne'e, husu ba sidadaun liliu ba transporte públiku sira lalika preokupa ho presu mina tanba Governu sei apoiu maka’as subsídiu ba sira atubele minimiza pezu kona-ba aumenta presu sira kombustivel. (*)