Login to your account

Username *
Password *
Remember Me

PM Taur Orienta MAP Kria Portu Ikan Integradu ba Peskadór

Ministru Agrikultór no Peskas (MAP), Pedro dos Reis. Ministru Agrikultór no Peskas (MAP), Pedro dos Reis. Foto Suplay

Tempotimor (Dili)-Ministru Agrikultór no Peskas (MAP), Pedro dos Reis hatete, nia parte simu ona orientasaun husi Primeiru Ministru (PM), Taur Matan Ruak, atu kria Portu ikan integradu ida ba Peskadór sira.

“Primeiru Ministru, Taur Matan Ruak orienta ona Ministériu Agrikultura no Peska atu harii Portu ikan ida ne'ebé ita hanaran Portu ikan Integradu, iha laran ne'ebá ne'e iha refrijeratór, iha jelu fatuk, no sasán barak ne'ebé mak iha sei ense e ita sei koorporativa iha ne'eba depois Ministériu halo nia serbisu”, dehan Ministru Pedro ba jornalista sira iha Palásiu Governu, kuarta (14/04).

Tanba Portu ikan Integradu ne'e sei fasilita peskadór sira bainhira ba peska ikan entrega de’it ba kooperativa ne'ebé sei realiza iha área Hera.

“Ita-nia peskadór sira kaer ikan de'it, Ministériu determina de'it tabela ikan bazeia ba eskala, sira ba kaer ikan mai hatama de'it sira la presiza atu ba fa'an atu ema seluk baralla nia folin mais nia hatama de'it bainhira nia presiza buat ruma iha kooperativa bazeia ba sasán sira iha ne'eba, se nia presiza foos iha  ne'eba fós iha tiha ona, no sira kaer tiha sira mai hatama to'o fulan mak sira lori sira-nia lista mai de'it hodi foti osan ka sasán sira ne'ebé mak iha Portu ikan integradu nian ne'e”, afirma nia.

Tanba ne’e, presiza kria kondisaun ba Peskadór sira atu labele baralla folin ikan feesku sira ne'ebé peskadór rasik ba peska iha tasi laran maibé kria kondisaun mak Portu ikan Integradu atu nune’e fasilita Peskadór sira.

“Ida ne'e kampu servisu nakloke durante oras 24 ba Peskadór sira, imajina de'it kuandu iha fulan ida mak nia (peskadór-red) tama ba tasi laran mak hetan ikan barak to'o ró ne'e nakonu de'it ninia pendapatan ne'e hira?”, akresenta nia.

Maibé problema ne'ebé mak hasoru hanesan dadus ne'e seidauk iha Portu ida ba Peskadór sira atu rai ikan sira ne'e mak halo ema sai baruk no folin ikan la'o la di'ak.

"Ema fa'an ikan iha estrada laran sira ne'e ikun nia folin la'o la di'ak tiha, no dalaruma ikan boot de'it mak folin di'ak, tanba ne'e mak simu orientasaun husi sua eselénsia primeiru Ministru Jenerál, Taur Matan Ruak oinsá atu halo Portu ida hodi salva ita nia peskadór sira”, deklara nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter