Login to your account

Username *
Password *
Remember Me

Pedro Konsidera MOP Atende Pedidu Emerjénsia Lentu Demais

Diretór diresaun sevisu MOP Baukau, Pedro Alexandre Guterres Perreira, ko'alia hela ba mídia sira iha kna'ar fatin vila nova, kuarta (30/03). Diretór diresaun sevisu MOP Baukau, Pedro Alexandre Guterres Perreira, ko'alia hela ba mídia sira iha kna'ar fatin vila nova, kuarta (30/03). Foto Tomas Freitas

Tempotimor (Baukau)-Diretór servisu Ministériu Obras Públiku (MOP) Baukau, Pedro Alexandre Guterres Perreira konsidera MOP nia atendimentu ba pedidu emerjénsia lentu demais, tanba submete ona iha tinan 2021, maibé to’o agora laiha resposta ruma.

Nune’e, husu ba Ministru Obras Públikas (MOP) foun, Abel Pires da Silva atu buka no rezolve prosesu ne’ebé sempre halo lentu ba atendimentu emerjénsia.

"Ami husi Munsípiu husu nafatin ba sr. Abel Pires prosesu sira la'o tarde ne’e, nia fukun iha ne'ebé depois rejolve tiha," dehan nia iha kna'ar fatin vila nova, kuarta (30/03).

Estrada rurál ne'ebé hetan estragus iha loron 04 fulan-abril tinan-2021, servisu MOP Baukau identifika iha fatin 13, nune'e submete kedas pedidu, maibé to'o ohin loron laiha resposta.

"Ne'e inklui Uaigae nian, Baguia parte balun, Venilale, Kelikai inklui mota Seiçal, maibé prosesu lentu, ne'ebé ita hein de'it, espera Ministru foun bele la'o lalais," nia dehan

Fulan-janeiru to'o marsu tinan-2022, servisu MOP Baukau identifika tán fatin risku iha estrada rural hamutuk kilomentru-32, kompostu husi Postu Adminisitrativu Baguia, Kelikai no Vemase.

Postu Baguia iha Suku Ossohuna, Postu Kelikai iha Suku Afaça, Gudusa, Namanei, enkuantu ba Postu Vemase iha Suku Uaigae.

"Uaigae Ministéiru (anteriór) responde tarde liu, entaun ita hatama ba Estatál, ida Ossohuna fulan kotuk ne'e rai monu estrada sa'e ba hela metru-2 metade, ne’e mós ita hasai ona data ba Estatál para prosesu," nia hatete

Enkuantu ba parte Postu Kelikai ba Suku Afaça, Namanei to'o Gurusa, iha kilometru-9 hamutuk pakote-6, sei halo reabilitasaun iha tinan-2022, liuhusi programa reabilitasaun estrada rurál.

"Parte balun mak iha venilale, maibé ita nia kompañia (internasionál) iha ne'eba sira halo manutensaun orsida fó hatene malu ne'ebé tau matan hela," nia hakotu. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter