Hafoin asina akordu Vise Ministru Negósiu Estranjeiru no Kooperasaun (MNEK), Julião da Silva hatete, asina akordu ho G7+ hodi apoiu orsamentu miliaun ida kada tinan husi 2022-2027.
“Asina akordu ho organizasaun G7+ para depois kontinua apoiu organizasaun ida ne'e ita suporta nafatin organizasaun ida ne'e para nune'e sira hala'o sira-nia atividade, ita apoiu orsamentu ba Organizasaun G7+ millaun $1 kada tinan husi 2022-2027”, dehan Julião da Silva ba jornalista sira iha salaun MNEK, Praia dos Coqueirus, segunda (21/03).
Nune'e sekretáriu Jerál G7+, Helder da Costa hatete, Governu apoiu orsamentu millaun ida kada tinan durante tinan liman ne'e atu apoiu G7+ hodi finansia atividade G7+ husi nasionál no internasionál.
“Governu Timor-Leste iha duni Kompromissu boot atu suporta G7+ liuhusi finansiamentu para hodi finansia despezas G7+ nian iha Globál no mós nível nasionál”, afirma nia.
Dadaun ne'e G7+ hala'o atividade tolu mak hanesan, halo advoksia no diplomasia iha nível Globál, alende ne'e mós partilla esperiénsia Timor nia ho nasaun seluk liuhusi área oioin, mak hanesan eleisaun, rekursu naturál, paz no rekonsiliasaun.
Alende ne'e outrich na grupu árte marsiál ba joven sira atu mantein kalma paz no trankilidade hodi hakat ba dezenvolvimentu ho hakmatek.
Antes ne'e, reuniaun Konsellu Ministru ne'ebé realiza iha kuarta (14/03) aprova ona projetu rezolusaun atu Governu fó apoiu kada tinan osan millaun ida ba atividade G7+ nian.
“Ohin Konsellu Ministru aprova projetu Rezolusaun Governu, hodi fó apoiu osan millaun ida kada tinan ba atividade G7+ nian”, dehan Ministru Prezidénsia Konsellu Ministru (MPKM), Fidelis Leite Magalhães.
Haree ba objetivu husi projetu rezolusaun ne'e Governu Timor-Leste no G7+ atu kontribui atividade sira G7+ nian. (*)