Login to your account

Username *
Password *
Remember Me

Estudante Simu Diploma Atraza, MAPKomS Sei Haruka Karta ba MEJD

Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Ministru Asuntu Parlamentár no Komunikasaun Sosiál (MAPKomS), Francisco Martins Jerónimo. Foto Suplay

Tempotimor (Dili)-Ministru Asuntu Parlamentár no Komunikasaun Sosiál (MAPKomS), Francisco Martins Jerónimo hatete, nia parte sei haruka karta ba Ministériu Edukasaun Juventude no Desportu (MEJD) kona-ba preokupasaun estudante ne'ebé simu diploma atraza.

“Ohin señor deputadu foti iha deskusaun kona-ba Diploma, ami hanoin ami sei haruka kedan karta ba señor Ministru Edukasaun Juventude no Desportu (MEJD) atu haree tanba saida mak diploma ne'e atraza, atu fahe ba alin sira”, dehan nia iha plenária PN, tersa (15/02).

Tanba preokupasaun ne'ebé levanta husi deputadu kona-ba distribuisaun diploma ne'e importante tebes ba estudante sira mós presiza atu uza hodi kontinua sira-nia estudu iha fatin seluk, liliu ba rai liur.

“Iha rai laran dala ruma laiha preokupasaun maibé iha rai liur presiza iha surat tahan ida ne'ebé mak dekreta ou hatete katak sira ne'e remata ona kursu iha nivél sekundáriu ou iha nivél báziku”, hatete nia.

Iha mós problema seluk hanesan saláriu ba profesór kontratadu ne'e parte MAPKomS mós sei informa ba Ministru Edukasaun Juventude no Desportu atubele haree kestaun ne'e.

Tanba saláriu ba profesór kontratadu ne'ebé seidauk selu ne'e presiza iha avaliasaun, atu fó kontratu ba funsionáriu ida kuandu avaliasaun laiha, ninia servisu ne'ebé nia hatudu mak laiha kualidade no ladun di'ak, mak ministériu fó de'it kontratu ne'e laloos.

“Entaun presiza iha avaliasaun, e antes avaliasaun remata mak foin bele selu fali sira-nia saláriu. Tanba avaliasaun tarde oituan, ha'u hanoin situasaun ne'ebé mak halo iha Ministériu e ha'u hanoin profesór la'ós loron rua de'it, profesór rihun ba rihun, entaun avaliasaun sira hanesan ne'e mós dala barak difikulta”, hatete nia. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter