"Presiza Ministru dos Veteranos, tenke hatur ona regra no lei hodi deside se mak merese hakoi iha jardim dos heróis Metinaro no se mak la merese hakoi iha ne'ebá no se mak merese salvo de tiro ida ne'e mak importánte”, dehan Tenente Jenerál Lere, iha edifísiu Polisia Militár (PM), Kintal Boot, tersa (23/11).
Tanba iha Semitériu Erói Metinaro ne'e hakoi mate kahur malu, haree ba kuaze rezisténsia armada maibé iha sorin ne'e mak problema no konfuzaun boot, tanba ne'ebá ne'e polítika, militár rezisténsia armada no to’o balun ne’ebé dalaruma la merese hakoi iha ne'ebá mós hakoi hotu iha ne'ebá.
"Ha'u hanoin Prezidente Repúblika mós podia konsulta, porque ne'ebá ne'e balun lakohi hakoi iha metinaru, ezemplu saudozu rena ninia, katak ha'u lakohi ba Metinaro maibé hakoi ha'u iha Lospalos, mak ha'u dehan tanba saida, ne'ebá ne'e kahur malu ona, tanba primeiru ita la define, la hatur regra sé mak merese no la merese, se hakoi iha ne'ebá mós tuir nível eskalaun hotu”, dehan Lere:
Mais hanoin katak la buat ida, bele dehan Semitériu mais Governu tenke fó dignu onra nafatin hodi dignifika nafatin Semitériu Erói Metinaro ninia. (*)