Login to your account

Username *
Password *
Remember Me

AUFD Realiza Peskiza Asaun Espresa Ba Feto

Partisipante sira ne’ebé tuir hela peskiza asaun iha salaun enkontru AUFD Baukau, segunda (15/11). Partisipante sira ne’ebé tuir hela peskiza asaun iha salaun enkontru AUFD Baukau, segunda (15/11). Foto Tomas Freitas

Tempotimor (Baukau) -Diretóra Asosiasaun Unidade Feto ba Desenvolvimentu (AUFD) Bendita de Jesus Amaral hatete, realiza peskiza asaun atu espresa feto maluk sira nia sentimentu iha tempu pasadu no agora.

"Ita kontinua halo peskiza ba ita nia inan sobrevivente sira, feto maluk difisiensia, feto ho LGBT no mós feto maluk ne'ebé abandona husi kaben, hanesan feto faluk sira oinsa expresa sira nia sentimentu sira nia presaun", dehan nia ba www.tempotimor.com, segunda (15/11).

Peskiza asaun mós uza metodu fatuk ho ai-funan no janela-4 hodi deskobre feto maluk nia sofrementu ligadu ho violensia iha tempu pasadu no tempu ohin loron situasaun pandemia covid-19 iha Timor-Leste.

"Kona-ba pozitivu ou negativu loron ikus mak ita bele hatene detaillu husi ita nia inan no maluk feto sira, tanba foin tama materia primeiru ita seida'uk hatene klaru informasaun pozitivu", nia argumenta

Bainhira remata peskiza asaun sei lori rezultadu ba iha organizasaun ne'ebé apoiu iha faze kontinuasaun sei tuun direitamente haree situasaun realidade ne'ebé feto maluk sira hasoru.

Feto maluk ne'ebé tuir peskiza asaun ne'e la’os hetan hotu, maibé liuhusi vizitasaun direitamente iha baze mak foin determina.

"Ita fó apoiu mak ne'e, sira ne'ebé hela fatin kondisaun ladi'ak, laiha oan ruma atu tau matan, ami iha planu ajuda harii uma hela fatin ba sira", nia informa

Antes ne'e, parseiru Asosiasaun Chega ba ita (ACbiit) apoiu ona feto malu sira ne'ebé laiha forsa atu halo uma, no apoiu hahán ba sira.

Nune'e, partisipante Maria Auxiladóra Ximenes sente kontente ho peskiza asaun ne'e, tanba bele halakon sentimentu triste ne'ebé sira iha durante ne'e.

"Sente di'ak, tanba husu ita nia kondisaun pasadu nian durante tinan-4 nia laran, hau tuir tiha treinamentu ne'e hau sente kaman ou legah", nia dehan

Enkuantu peskiza asaun ne'e, realiza tanba hetan apoiu husi UN Women no União Europeia antes ne'e mós husi spot lite ne'ebé inisiativa Organizasaun Naun Governamental (ONG) ACbiit, Ajar, Fongtil, peskiza asaun durante loron-3 partisipante sira husi postu administrativu Baguia, Baukau Vila no Kelikain hamutuk na'in-21. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter