Login to your account

Username *
Password *
Remember Me

ICR Gradua Finalista Na’in-80 ho Grau Braxarelatu no Lisensiadu 

Estudante Institu siénsia Relijiosa (ICR) são Tomas de Aquino prepara hela tuir gradusaun iha salaun katedral, Vilaverde, kinta (30/09). Estudante Institu siénsia Relijiosa (ICR) são Tomas de Aquino prepara hela tuir gradusaun iha salaun katedral, Vilaverde, kinta (30/09). Foto Tempo Timor

Tempotimor (Dili)-Institu siénsia Relijiosa (ICR) são Tomas de Aquino, gradua finalista hamutuk na’in-ualunulu (80) ho grau baxarelatu no lisensiadu husi fakuldade servisu sosial na'in-17 no fakuldade formasaun profesór morál no relijaun katólika na'in-63, iha kinta (30/09).

“Konsidera abilidade no kapasidade graduandu sira,ne'ebé sai sasukat ba ICR iha tinan ida ne'e hodi deside graduasaun,ho nune'e ita fo parabéns ba esforsu sira-nia”, dehan Reitór ICR, Padre Crisostomo I.Salar, iha serimónia graduasaun VIII turnu ICR nia, iha Salaun katedral, Vilaverde, kinta (30/09).

Maske hasoru obstakulu, bainhira nasaun tama iha situasaun pandemia Covid-19, maibé konsege forma finalista sira to’o hetan graduasaun. Tanba graduasaun ne'e nu'udar pasu ida atu re-integra hikas estudante sira ba komunidade.

“Buka atu halo di'ak liután no kontinua kapasita-an nafatin atu sai estudante ka sidadun ida nakonu ho kapasidade, koñesimentu no abilidade. ICR sei orgullu bainhira haree ninia oan sira sai figura importánte iha komunidade nia leet”, dehan nia.

Graduandu Ana Fatima, husi fakuldade formasaun profesór morál no relijaun katólika hatete, ICR ne'e sai nu'udar uma mahon daruak ba sira, tanba Institutu ne'e mak hakonu ona estudante sira ho siénsia multimedia relijaun no morál atu dezenvolve vida umana.

“Tanba uma edukasaun ne'e dinámiku no movél, edukasaun ne'e moris tanba eduka ema moris, ema ne'ebé Maromak nia imajen rasik. Edukasaun ne'e moris tanba eziste iha ema nia moris no halo ema sai Parseiru Maromak nia”, afirma nia.

ICR hatudu ona plataforma polítiku aprendisajen, hodi hametin relijaun moral sai abut no huun ba prosesu aprendisajen hotu, katak relijaun moral mak hatudu siénsia ho naroman lolos.

"Ami sira ne'ebé simu ona graduasaun ne'e kompromete sei kuidadu almamater ICR nian hodi hamorin nafatin iha sosiadade nia le'et”, dehan nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« June 2022 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30      

Tempo Timor Networks

Online Counter