Administradór Apostóliku Dioseze Baukau, Padre Alípio Pinto Gusmão hatete, Bispu foun prosesu la'o hela, iha fulan-novembru tinan 2022 iha ona Bispu foun.
"Ita-nia esperansa hakarak antes tama fulan-novembru bispu foun iha ona, enkuantu kona-ba sé mak kandidatura la hatene, maibé prosesu tomak nunsiatura ne'ebé reprezenta Santa Se iha Timor mak promove prosesu perpara nomeasaun ba bispu foun", dehan Administradór Apostóliku Dioseze Baukau, Padre Alípio Pinto Gusmão iha katédral vila antiga Baukau, kinta (17/03).
Prosesu hotu ne’ebé atu hili Amu Bispu foun ne’e, segredu pontifisiu nian, maibé espera iha Novembru bainhira selebrasaun aniversariu ezistensia Dioseze Baukau ba dala-XXV, Sarani Baukau iha ona Bispu foun.
"Ita hein katak, Bispu foun iha lalais, tanba Bispu mak iha poder kompleitu atu ukun, jere Dioseze Baucau," nia argumenta
Entertantu, Dioseze Baucau ohin loron 17 fulan-marsu tinan-2022, selebra loron padrueiru São José nu’udar mahein ba Dioseze Baukau nian.
Iha selebrasaun ne'e, vizita illas São José ba paroqui hotu iha Dioseze Baukau antes fila hikas ba katerdral Baukau tuir planu iha loron 30 fulan-Novembru tinan 2022 hodi selebra aniversariu ezistensia Dioseze Baukau ba dala-XXV. (*)
